1943/ Rilindja e Shqipërisë sipas fashistëve

19 Qershor 2016, 14:18, Aktualitet CNA

Publicisti austriak i kohës së fashizmit që përpiqej të përcillte me librin e tij, fotografinë e një Shqipërie të lumtur dhe ngjashmëritë me propagandën e sotme të Rilindjes së Edi Ramës

Ka Rilindje të Shqipërisë sipas rilindasve të vërtetë, ka Rilindje të Shqipërisë sipas nazistëve, ashtu siç ka edhe një rilindje të sotme sipas socialistëve. Një artikull i botuar nga albanologu, Robert Elsie, sjell detaje të propagandës së fashistëve dhe nazistëve në Shqipërinë e vitit 1939-1943.

I vetmi libër që publikoi publicisti austriak i kohës së nazizmit, Vilibald Koleger, ishte ?Rilindja e Shqipërisë?. Bëhet fjalë për një libër propagandistik në përpjekje për të bindur shqiptarët se nën pushtimin fashist, Shqipëria po rilind.

Albanologu Robert Elsie, sjell fotografi të këtij autori, publikuar në këtë libër, ku shihen pamje të ndërtimit të rrugëve e veprave të tjera publike gjatë kohës së pushtimit fashist.

Fotografitë përcjellin pamje të ndërtimit të godinës së Universitetit të Tiranës, të stadiumit ?Qemal Stafa?, Pallati i Kulturës, rrugë në ndërtim e vepra të tjera publike. Por, ka edhe fotografi me portrete shqiptarësh, kryesisht të lumtura.

Mungojnë fotografitë karakteristike të varfërisë dhe mjerimit në të cilin ishte Shqipëria në atë kohë.

Libri i tij i vetëm, Albaniens Wiedergeburt (Rilindja e Shqipërisë), Vjenë 1942, ishte një vepër propagandistike në mbështetje të sundimit fashist italian në Shqipëri. Fotografitë e këtij koleksioni, të marra nga ky libër, vijnë nga vetë autori si dhe nga Ministria italiane e punëve të jashtme dhe nga qeveria italiane e asaj kohe. Kolegeri vdiq një vit pas botimit të librit.

Jemi 83 vjet më vonë dhe Shqipëria është ende në kohën e Rilindjes, por kësaj here socialiste. E përbashkëta e kohës së publicistit Vilibald Koleger, është propaganda. Nëse ky autor e të tjerë si ai, i kishin të pakta mundësitë për të bërë propagandë, sot është krejt e kundërta. Rilindja e sotme i ka mundësitë perfekte, pasi gjithçka është shndërruar në propagandë. Gjithçka që ndodh me punët e qeverisë të shfaqet për të qintën e sekondës në ekranet e televizioneve e faqet e mediatike. Nuk ka asnjë shanc t?i shpëtosh kësaj propaganda. E tillë ishte situata edhe në kohën e Berishës. Gjithçka shfaqej nëpër media. Jo se kjo nuk ndodh në vende të tjera në BE dhe në SHBA, sepse edhe atje propaganda mbizoëtëron, por ndryshimi është se në Shqipëri nuk bëhet asgjë tjetër, veçse propagandë.