E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari shprehu humbjen e ...

Formularët e vetdeklarimit/ Ja gjyqtarët që ndryshuan emrat

2 Qershor 2016, 08:45, Aktualitet CNA

Në formularët e vetdeklarimit është konstatuar se disa gjyqtarë shqiptarë kanë ndryshuar emrin në kohe të ndryshme. Përveç politikanëve që kanë ndryshuar emrin për të fshehur të kalurën e tyre, edhe disa nga njerëzit e drejtësisë kanë rezultuar të kenë bërë të njëjtën gjë. Mësohet se disa gjyqtarë kanë ndryshuar dhe moshën, kjo për të shtyrë pensionin. Shqipatarja.com? ka zbardhur disa nga këta gjyqtarë.

Gjyqtari Ken Dhima, gjyqtar në Gjykatën Administrative të Shkallës së Parë Vlorë, ka ndryshuar emrin dhe mbiemrin.

Referuar formularëve të vetdeklarimit, Ken Dhima deklaron se emri i tij i parë ka qenë Krenar Gjoka. Dhima i shpëtoi shkarkimit edhe pse ILDKP e ka akuzuar për fshehje të pasurisë, ndërsa është proceduar nga Prokuroria.
Ndërkaq edhe Zeta Terpollari, gjyqtare në Gjykatën e Rrethit Gjyqësor Lushnje, thotë se emri i saj i parë ka qenë Zenepe. Po ashtu, gjyqtari në Gjykatën e Rrethit Gjyqësor Elbasan, Zihni Spahiu, deklaron se emri i tij i parë ishte Zeni Spahiu. Gjyqtari në Gjykatën Apelit Vlorë, Petrit Aliaj, ka ndryshuar gjithashtu gjeneralitetet, ku emri i tij i parë rezulton të jetë, Petrit Vejzadi.

Aliaj është kallëzuar penalisht nga ILDKP për fshehje pasurie dhe deklarim të rremë. Edhe gjyqtarja e Tiranës Rexhina Merlika, ka ndryshuar gjeneralitetet.Ajo deklaron se emri i saj i parë ka qenë Gjelina. Skënder Haluci, gjyqtar në gjykatën e Rrethit Gjyqësor Vlorë, thotë se mbiemri i tij i parë ishte Buçpapaj. Ndërsa Ilir Çeliku, gjyqtar në Gjykatën e Rrethit Gjyqësor Tiranë, deklaron se emri i tij i parë ishte Elfterios Çelikas. Gjyqtari i Gjykatës së Rrethit Gjyqësor Berat, Durim Hasa, deklaron se emri i tij i parë ishte Duçe Hasa. Sa i takon raportit me drejtësinë, asnjë prej gjyqtarëve nuk deklaron se është dënuar pas rënies së komunizmit. Ndërkaq, vetëm Rasim Doda, gjyqtar në Gjykatën e Rrethit Gjyqësor Sarandë, deklaron se është ndaluar me urdhër të Prokurorisë së Krimeve të Rënda, datë 05.06.2015, si i dyshuar për kryerjen e veprës penale të korrupsionit pasiv.

Opozita disa herë ka ngritur zërin pas publikimit të formularëve të dekriminalizimit, në radhët e kryebashkiakëve, deputetëve dhe ministrave të cilët rezultuan personazhe të akuzuar për vepra kriminale dhe korrupsion./ Citynews