web counter
LEXO PA REKLAMA!

SHKARKO APP

App Store
Google Play

E fundit!

x

Finalizohet operacioni i koduar "SINORA"/ Arrestohen tre persona

2 Qershor 2016, 07:48, Aktualitet CNA

Në kuadër të operacionit të koduar ?SINORA?, policia e Sarandës ka bërë të mundur zbulimin e një bande e cila kryente vjedhjet në Sarandë dhe Greqi. Gjatë këtij operacioni janë arrestuar shtetasit Dritan Reçi, 38 vjeç, lindur në Burrel, banues në Durrës, Alfred Hoxha, 28 vjeç, lindur në Mate, banues në Durrës dhe  Ilir Mama, 38 vjeç, lindur në Tepelenë, banues në Sarandë.

Policia e Sarandës në kuadër të një hetimi 2 mujor, ka shkëmbyer informacione të vlefshme me Policinë Greke, ku si rezultat u bë zbulimi dhe kapja autorëve të kësaj bande, të cilët në mënyrë të mirë-organizuar dhe në bashkëpunim me njëri-tjetrin, kanë kryer një sërë vjedhjesh jo vetëm në Sarandë por edhe në shtetin Grek (Igumenicë).

Policia ka bërë dokumentimin e disa vjedhjeve, konkretisht: Më datë 29.05.2016, këta shtetas kanë vjedhur banesën e shtetasit E.T., në lagjen nr.1 Sarandë, ku dyshohet se kanë marrë 50.000 lekë, 1 aparat celular “Iphone” dhe 1 aparat fotografik.

Më datë 18.05.2016, kanë vjedhur banesën e shtetasit grek G.V., në fshatin Mavrudh-Igumenicë (Greqi), ku dyshohet se kanë marrë një shumë parash prej 18.000 Euro, disa aparatë celularë si dhe sende të tjera me vlerë.

Sendet dhe materialet e vjedhura në Greqi, këta shtetas në bashkëpunim me njëri-tjetrin i kalonin në mënyrë ilegale nga kufiri dhe i shisnin në Shqipëri me një çmim shumë të ulët./ Citynews





Lajmet e fundit nga