web counter
LEXO PA REKLAMA!

SHKARKO APP

App Store
Google Play

E fundit!

x

Taulant Balla: Dil Sali trego pse e ke ndryshuar ditëlindjen!

1 Qershor 2016, 20:46, Aktualitet CNA

Nënkryetari i Grupit Parlamentar socialist, Taulant Balla i është drejtuar ish-Kryeministrit Sali Berisha duke i kërkuar të tregojë pse e ka ndryshuar ditëlindjen. Përmes një postimi në rrjetet sociale, Balla shprehet se sapo ka filluar zbardhja e vetëdeklarimeve të SHQUP-it.

“Sapo ka filluar zbardhja e vetëdeklarimeve të gënjeshtarëve të SHQUP-it

Sipas Ligjit, personat kanë detyrim ligjor që në Formularin e Vetëdeklarimit të pasqyrojnë të dhëna të vërteta, të plota dhe të sakta. Pasqyrimi i të dhënave të pavërteta, të paplota, dhe të pasakta në këtë formular passjell skualifikimin e menjëhershëm dhe në çdo kohë nga kandidimi/zgjedhja/emërimi apo ushtrimi i mëtejshëm i funksionit publik.” shkruan Balla.

Deputeti socialist vijon më tej duke “kërcënuar” Berishën se nëse ai nuk tregon se pse ka ndryshuar emrin, ai do t’a sqarojë ditën e nesërme duke shtuar më pas edhe përfshirjen e mundshme të Prokurorisë në këtë çështje.

“I pari nuk ka treguar që është ndaluar dhe më pas është dëbuar nga një shtet i huaj. Tjetri ka treguar se është dënuar me burg, por nuk ka treguar se nga krimi i tij është shkaktuar një vrasje.

Eshtë edhe Saliu, ndër gënjeshtarët sigurisht.

Dil Sali trego pse e ke ndryshuar ditëlindjen!

Ose do ta sqaroj unë nesër dhe më pas do duhet ta bëjë Prokuroria. Sepse Ligji është njëlloj për të gjithë.” përfundon postimin e tij deputeti Balla.





Lajmet e fundit nga