web counter
LEXO PA REKLAMA!

SHKARKO APP

App Store
Google Play

E fundit!

x

Shërbimet e internetit nga celularët/ Rritje me 44% në tremujorin e parë

30 Maj 2016, 06:53, Aktualitet CNA

Shërbimet e internetit nga celularët erdhën në rritje për tremujorin e parë të 2016. Sipas të dhënave të AKEP shërbimi i aksesit të internetit nga rrjete celulare 3G-4G nëpërmjet aparatit të telefonit celular dhe karta USB/modem) vijon të këtë trend rritëse duke arritur në rreth 44% me shumë se tremujori i parë 2015.

Rritja e ndjeshme e përdorimit të aksesit broadband nga rrjetet 3G/4G është vënë re sidomos në tremujorin e tretë 2015, që përkon me fillimin e ofrimit të shërbimeve në rrjetet 4G.

Rritja e përdorimit të aksesit nga rrjetet celulare 3G/4G në vitet e fundit vihet re dhe në rritjen e volumit të të dhënave të transmetuara në rrjetet celulare.

Në vitin 2014 rritja vjetore e trafikut të të dhënave në rrjetet celulare ishte 148%, dhe kjo tendencë është në rritje të vazhdueshme .
Ndërsa numri i pajtimtarëve më akses broadband nga rrjetet fikse arriti në fund të marsit në në rreth 248 mijë, një rritje kjo prej rreth 2 % në krahasim me fundin e 3 mujorit paraardhës.

Norma e penetrimit për popullsi dhe familje të aksesit broadband fiks në fund të tremujorit të parë 2016 ishte respektivisht rreth 8.75% dhe 34.28%. Pjesët e tregut sipas numrit të pajtimtarëve me akses fiks pothuajse nuk kanë pasur ndryshime thelbësore.

Ndërsa numri i pajtimtarëve që kanë akses në shërbime të integruara (Telefoni, internet dhe TV) në fund të 3 mujorit të parë arriti në 159 mijë, një rritje kjo prej rreth 6% në krahasim me 3-mujorin e katërt 2015 dhe rreth 32% nga 3-mujori i parë 2015./monitor





Lajmet e fundit nga