web counter
LEXO PA REKLAMA!

SHKARKO APP

App Store
Google Play

Demokratët, peticion kundër Bashës për mbajtjen e zgjedhjeve në 35 degë

24 Maj 2016, 06:34, Aktualitet CNA

Ditët e fundit ka nisur një fushatë nëpër degët e PD për firmosjen e një peticioni, që do i dorëzohet më pas selisë qendrore të PD për të tërhequr vendimin e marrë nga Kryesia për zhvillimin e zgjedhjeve për kryetar dege. Ditën e dielë dhe dje janë mbledhur me qindra firma në Bashkinë e Vlorës, ku shumë anëtarë kanë dalë në mbrojtje të deklaratave të kreut aktual, Moisi Meminaj, shkruan gazeta ?Sot?

E njëjta gjë mësohet se do të ndodhë dhe në bashkitë e tjera. Kryetarët aktualë e kanë bërë të qartë se janë kundër Lulzim Bashës dhe tani janë vënë në lëvizje për të ndalur çdo lloj tentative për të riorganizuar degët, përfshirë dhe disa prej atyre që dolën fituese. Mësohet se peticionet janë duke u firmosur përveç kryetarëve, nga anëtarët e kryesive, sekretarët dhe nga anëtarë të thjeshtë. Të gjithë janë të mendimit se reformimi i degëve para zgjedhjeve të 2017 krijon probleme, pasi do të jetë shumë e vështirë përgatitja për të dalë fitues në 2017.

Por pavarësisht kësaj, Basha duket se i ka lënë pas dore kryetarët e degëve, shumë prej të cilëve nuk i kanë kursyer akuzat dhe deklaratat fyese në drejtim të tij. Kjo ka qenë dhe një arsye më tepër që detyroi Bashën të dërgojë 35 degë në zgjedhje të reja. Duket se nuk do ta ketë dhe aq të lehtë, kjo për faktin se është shtuar numri i atyre që e kundërshtojnë. Mbetet të shihet nëse do merret për bazë peticioni i organizuar kundër tij.





Lajmet e fundit nga