Mesila Doda: Partitë e mëdha kërkojnë të instalojnë pushtet absolut

21 Maj 2016, 17:35, Aktualitet CNA

Deputetja Mesila Doda është shprehur se partitë e mëdha po kërkojnë të instalojnë një pushtet absolut në vend. E ftuar në një intervistë për News 24, deputetja komentoi zgjedhjet e sotme në PDIU. Doda tha se partitë e mëdha nuk kanë mbajtur bosht ideologjik. Sipas saj, partitë kanë mënyrë arrogante sjelljeje, iu duket se kanë shumë njerëz. “Edhe mund ti humbin, dikush nuk bën zgjedhje, dikush diçka tjetër, po në thelb kërkojnë të instalojnë pushtet absolut, përtej këtyre që ju duket vetja sulltanë në politikë ka edhe një frymë tjetër, një alternativë tjetër. Jam e mendimit se duhet të punosh çdo ditë që ti furnizosh njerëzit me shpresë?. është shprehur Doda.

Sipas Dodës, ?Në zgjedhjet e fundit PDIU ka marrë 60 mijë vota dhe nuk mund të quhet parti e vogël. Atë që shikoj sot është interes një qasje e të rinjve dhe të rejave Ne nuk kemi vetëm elektoratin tonë të përhershëm që kërkon zgjidhjen e çështjes çame, por edhe elektorit të ri të shtuar?.
Doda tha se zoti Idrizi e ka çuar PDIU-në në një rrugë të suksesshme, pa dashur të komentonte rezultatin e zgjedhjeve. ?Bashkimi kombëtar është ylli jonë polar, ajo që na udhëheq, është një qasje reale që do duhet ta ndjekim?,- vijoi ajo.

Në lidhje me koalicionin qeveritar, Doda tha se ?Nuk ka pasur përmbushje të marrëveshjes që është bërë me qeverinë, ende nuk është përmbushur marrëveshja e zgjedhjeve lokale?. Doda hodhi më tej idenë se politika shqiptare ka nevojë për një shkundje dhe këtë do duhet ta bëjnë zgjedhësit shqiptarë. E pyetur nëse do krijohet një bosht i tretë në politikë, Doda tha: ?Nuk mund ta themi në këto momente do shohim si do përfundojë kodi zgjedhor, por ka nevojë për një shkundje të politikës. Besoj tek njerëz që kanë zemër për të çuar përpara kauzat e tyre. Partitë më të vogla sot e kanë të vështirë të nxjerrin një deputet, në krahasim me forcat e mëdha. Kjo nuk është demokraci është mënyrë e ligjëruar si të vjedh dikë tjetër. Është demokraturë, që dy palë kanë vendosur të jenë njëherë njëra dhe njëherë tjetra në pushtet. Nëse njerëzit do na japin mbështetje ne do ju kthejmë përkushtim?,- vijoi ajo.