web counter
LEXO PA REKLAMA!

SHKARKO APP

App Store
Google Play

E fundit!

x

Shpërdorimi i detyrës/ Ndjekje penale për 4 zyrtarë të shërbimeve pyjore në Dibër

13 Maj 2016, 07:57, Aktualitet CNA

Vijojnë masat e Policisë në kuadër të operacionit “Roja i Gjelbër”, për parandalimin e prerjes së paligjshme të pyjeve.

Policia procedon penalisht për shpërdorim detyre përgjegjësin e Policisë pyjore dhe tre inspektorë të Policisë Pyjore.

Janë  proceduar  penalisht në gjendje të lirë për veprën penale ?Shpërdorim detyre? shtetasit,  A. Lika, 44 vjeç, banues në fshatin Vajmedhej, D. Kozi, 39 vjeç, banues në Bulqizë, me detyrë Inspektor i Policisë Pyjore pranë ISHMP-se Dibër, dega Bulqizë, I. Zuna, 28 vjeç, me detyrë inspektor i Policise Pyjore pranë ISHMP-se Dibër,  si dhe A. Topi, 39 vjeç,  banues në Bulqizë,  me detyrë inspektor i Policisë  Pyjore pranë ISHMP-se Dibër. Këta persona akuzohen se nuk kanë kryer detyrat funksionale që iu ngarkon ligji nr.9385, ?Për pyjet dhe shërbimin pyjor?, datë 04.05.2005 i ndryshuar, në lidhje me dëmtimin e masivit pyjor të ndodhur në Ternovë, të  rrethit Bulqizë.

Shërbimet e Komisariatit të Policisë Bulqizë kanë ushtruar kontroll në masivin  pyjor në Ternovë ku kanë konstatuar rreth 1 hektar pyll të dëmtuar, prerë në mënyrë të paligjshme.

Në lidhje me këtë dëmtim masiv shtetasit e mësipërm nuk kanë mbajtur asnjë proces verbal, nuk kanë kryer asnjë veprim  dhe nuk e kanë raportuar duke shpërdoruar detyrën.

Materialet do t’i kalojnë Prokurorisë pranë Gjykatës së Shkallës së Parë Dibër për veprime të mëtejshme.





Lajmet e fundit nga