web counter
LEXO PA REKLAMA!

SHKARKO APP

App Store
Google Play

VIDEO/ Topalli-Beqajt: Mos më fol për barnat! Gruaja humbi 2 fëmijë, mjekët e panë nga kuleta

12 Maj 2016, 17:58, Aktualitet CNA

Ish-Kryetarja e Parlamentit, deputetja demokrate Jozefina Topalli i është drejtuar me tone të ashpra Ministrit të Shëndetësisë, Ilir Beqaj lidhur me gjendjen e spitaleve në vend, si dhe me shërbimin e ofruar nga personelet mjekësore. Ndërsa ministri Beqaj foli gjatë seancës parlamentare për furnizimin e spitaleve me barna, Topalli tha se nëna 24-vjeçare, e cila humbi 2 fëmijë në aksident në Kavajë, nuk mori kujdesin e duhur nga mjekët pasi e kanë parë nga kuleta, duke nënkuptuar korrupsionin e rrënjosur në sistemin shëndetësor.

?Në spitale nuk ka ilaçe duhet të protestojmë. Rasti i javës së kaluar për një nënë që i vdesin dy fëmijë në aksident, e çojnë në spital dhe çfarë ndodh? Nëna 24 vjeç me duar me gjak të fëmijëve, e tmerruar dhe e llahtarisur shkon në spital, i shikojnë kuletën, nuk i japin asnjë qetësues e ky më vjen mua këtu më tregon ilaçet. Ky është procesi i dehumanizimit. Po në cilin vend të botës as në Afrikë nuk mund të ndodhi! Por je bab mor edhe ti! Ti ta kishe shkund e tund atë spital..Ka vetëm një emër dhe ky është korrupsion, nuk është vetëm reforma në drejtësi që mund të na zgjidhë hallet..Reforma në drejtësis është vetëm njëra prej tyre. Të kishe fillu me një ndjesë në fakt duhet ta kishe lënë karrigen fare?,- tha Topalli.





Lajmet e fundit nga