E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Bie drafti i ekspertëve të Soros për reformën në drejtësi

6 Maj 2016, 06:40, Aktualitet CNA

Ekspertët e misioneve EURALIUS dhe OPDAT kanë hedhur poshtë draftin e hartuar nga ekspertët e nivelit të lartë për reformën në drejtësi. Të mërkurën, ata prezantuan ndryshimet në komisionin parlamentar, teksa bie në sy fakti se ata kanë ndryshuar dhe kanë ndërhyrë në rreth 30 nenet bazë të draftit nga rreth 67 nene që janë në total.

“Sot” shkruan se të gjitha ato pika që mund të përdoreshin nga politika për interes të saj janë ndryshuar, duke mos lënë asnjë hapësirë për keqinterpretime apo përdorje sipas interesit. Po ashtu, ekspertët kanë shtuar dhe dy nene të reja, teksa kanë dhënë dhe disa opsione mbi funksionimin e një sërë institucionesh në vend. Ky është versioni i katërt për reformën në drejtësi, ku janë reflektuar të gjitha shqetësimet e Komisionit të Venecias, teksa tani mbetet të shihet nëse do e mbështesin palët. Sa u takon neneve që kanë ndryshuar ekspertët ndërkombëtarë, janë nenet e institucioneve kyçe të drejtësisë.

Që te neni 125 i Kushtetutës që ka të bëjë me Gjykatën Kushtetuese, ku janë përcaktuar detajet si zgjidhen anëtarët e saj. Një tjetër nen është ai 135, ku janë përcaktuar funksionarët që mund të hetohen për korrupsion në draftin e ekspertëve të nivelit të lartë. Ky nen ishte lënë shumë evaziv, por që BE dhe SHBA kanë bërë gati listën me zyrtarët që mund të hetohen për korrupsion. Një tjetër nen është neni 148, ku janë përcaktuar me detaje funksionet e prokurorisë speciale antikorrupsion dhe mënyra e ndërtimit të saj.

Në nenin 179 janë përcaktuar dhe rolet e Presidentit, i cili brenda pesë ditëve nga hyrja në fuqi e ndryshimeve përzgjedh me short një anëtar të Gjykatës së Lartë, dy gjyqtarë dhe dy prokurorë pranë gjykatave të apelit, dy gjyqtarë dhe dy prokurorë pranë gjykatave të shkallës së parë dhe dy gjyqtarë pranë gjykatave administrative. Sipas ligjit, në rast se Presidenti i Republikës nuk përzgjedh brenda këtij afati, Kryetari i Kuvendit përzgjedh me short brenda dhjetë ditëve nga hyrja në fuqi e këtij ligji. Më tej thuhet se të përzgjedhurit ushtrojnë funksionet si anëtarë të Këshillit të Emërimeve në Drejtësi deri në datën 31 dhjetor të vitit kalendarik të hyrjes në fuqi të këtij ligji.