web counter
LEXO PA REKLAMA!

SHKARKO APP

App Store
Google Play

E fundit!

x

Përurohet memoriali i ri i Azem Hajdarit/ Akuzat e Berishës dhe Bashës ndaj Ramës

5 Maj 2016, 10:05, Aktualitet CNA

Në Ditën e Dëshmorëve të Kombit është përuruar momoriali i heroit të demokracisë, Azem Hajdari, ku ish-kryeministri Sali Berisha së bashku me kreun aktual të Partisë Demokratike, Lulzim Basha zhvilluan homazhe në nderim të liderit të lëvizjes së dhjetorit.

Të pranishëm në këtë ceremoni ishin edhe familjarë të të ndjerit Hajdari si dhe përfaqësues të tjerë të opozitës. Në prenoncimin e tyre për mediat, Berisha dhe Basha kanë nderuar figurën e Azem Hajdarit por gjithashtu nuk kanë munguar edhe akuzat ndaj pushtetit aktual.

Në një prenoncim për mediat Zoti Berisha tha se vepra e tij bëri të mundur të gjitha ngjarjet e tjera të mëdha në këto 25 vite demokraci. Berisha u shpreh se Azem Hajdari u vra nga pushteti që e përmbysi duke akuzuar dhe kryeministrin Rama që ka filluar flirtet me vrasësit që sipas tij nxori nga burgu.

?Azemi dhe Besim Cerja ranë si dy vëllezër këtu para selisë së PD të ekzekutuar nga pushteti që Azemi përmbysi me revolucionin e tij demokratik. Por vepra e Azem Hajdarit bëhet gjithnjë e më madhështore, vepra e tij bëri të mundur të gjitha ngjarjet e tjera të mëdha në 25 vitet e fundit. Ajo është dita ku e kanë origjinën arritjet e kombit këto 25 vite,” tha Berisha.

Gjithashtu edhe kryetari i opozitës Lulzim Basha gjatë prenoncimit të tij për mediat ka nderuar figurën e dëshmorit Azem Hajdari. Sipas Bashës, Azem Hajdari është frymëzimi i të gjithë demokratëve. ?Po nderojmë një njeri që u ngrit kundër sistemit??-u shpreh Basha.

Gjithashtu Zoti Basha theksoi se opozita do ta mundë krimin e veshur me uniformën e pushtetit.

Memoriali i ri për Azem Hajdarin, i cili u vra natën e 12 shtatorit në oborrin e selisë së opozitës, është ndërtuar nga familja e tij si dhe nga Partia Demokratike.





Lajmet e fundit nga