E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bamir Topi i kthehet sulmit ndaj Berishës/ Flet për 21 janarin dhe thirrjen për armatosje

1 Maj 2016, 08:08, Aktualitet CNA

Kryetari i Fryma e Re Demokratike, Bamir Topi e sheh si jo normale deklaratën e ish kryeministrit Berisha për armatosjen e qytetarëve dhe shpreh keqardhjen për viktimat e 21 janarit.

Në një intervistë ekskluzive për ?TemA TV?, ai shprehet se ?Sigurisht kur bëhet fjalë për armë njerëzit ndihen të frikësuar, sepse kanë disa precedentë historikë të kohës së tranzicionit, ka dhe statistika per kete. Ky është një mesazh i pastër për ndërkombëtarët. Për t?u vetë-servirur si individi që ka në dorë çelësat e stabilitetit në Shqipëri. Për t?i thënë atyre: ?Shiko çfarë jam në gjendje të bëj, çfarë mesazhi u jap unë ndaj natyrisht, kjo merr një ndjeshmëri të lartë?. Më tej ai shton se ?është një deklaratë e rëndë, por nuk mund të thuash që është një deklaratë e pamenduar. Dhe kur flitet për armë, në një vend ku armët kanë bërë gjëmën, përfytyroni se ç?lloj tensioni sjell ajo në kancelaritë perëndimore?.

Në lidhje me mbylljen e dosjes së 21 janarit, ai thotë se ?Ndjehem i lumtur që kam qenë personazh institucional, pasi kam qenë në krye të shtetit dhe në rast se e sheh në këtë kontekst, në këtë botë mund të atakohesh edhe nga e keqja. Unë merrem me pjesën zyrtare të drejtësisë. Keqardhje e madhe. keqardhje e madhe që një proces i tillë, i cili normalisht duhet të ishte bërë paralelisht me gjyqin juridik e politik, nuk është bërë. Dhe mesa duket janë mjaftuar me një gjyq politik në kohën kur u atakuan rëndë Presidenti, Kryeprokurorja, kreu i SHISH, njerëz të medias etj ? s?po e fus opozitën këtu se lufta politike është tjetër gjë, por problemi është se ajo histori u mbyll në mënyrë jo dinjitoze?

Përsa i përket thirrjes të Sekretarit të Përgjithshëm të PD, Arben Ristani, që FRD për të qenë pjesë e të djathtës shqiptare, ai thotë se ?Mirë është që në të tilla raste të shprehen kryetarët e forcave politike. Ne nuk injorojmë asnjë zë, sepse nuk është normale, gjithmonë politika ka debate, ka kontradikta, por tek e fundit ka interesa të pushtetit?

Për marrëdhënien e FRD me koalicionin qeverisës, Topi shprehet se ?Koalicionet në Shqipëri, janë më shumë koalicione premtimesh, pra, flas pa specifikuar asgje; gjërat në kaolicion thuhen, pastaj tentohen të mbahen dhe pastaj bëhet një bilanc mbi seriozitetin e partnereve politike?.

Nuk e kam fjalën këtu për çështjen e vendeve të punës. Une mendoj me tutje dhe është e rëndësishme në marrëdhëniet tona luajale. Me teper e kam fjalën për zgjidhjen e çështjeve të rëndësishme në kohë, siç është Kodi Zgjedhor, i cili deri tani ka qenë në funksion të atyre që deri tani janë grindur me njëri-tjetrin për të patur përfaqësues në komisione, duke dhënë një tablo të pasigurisë të votës dhe ata që s?kanë njerëz në komisione kanë risk të madh të grabitjes së votave te tyre.