E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Myslimanët dhe siguria në SHBA

9 Prill 2016, 21:00, Kosova & Bota CNA

Sekretari i sigurisë kombëtare Jeh Johnson bëri thirrje për bashkëpunim me komunitetin e myslimanëve amerikanë, gjatë një fjalimi në një simpozium për ?Përballimin e Ekstremizmit të Dhunshëm?. Ai bëri thirrje për bashkëpunim dhe ndërtim urash komunikimi, duke thënë se komunitetet e amerikanëve myslimanë nuk duhet të përgojohen dhe izolohen.

Sulmi terrorist në Bruksel muajin e kaluar ka ringjallur debatin rreth mënyrave për t?u përballur me ekstremizmin e dhunshëm në Shtetet e Bashkuara, ndërkohë që disa kandidatë republikanë për president kanë bërë thirrje për survejimin e lagjeve të amerikanëve myslimanë.

Por, Sekretari i Sigurisë Jeh Johnson thotë se ky propozim nuk reflekton realitetin:

?Nuk mund të survejohet qoftë edhe një lagje e vetme për të mbikqyrur myslimanët amerikanë, megjithë këtë retorikë të nxehur politike.?

Megjithëse sulmi vitin e kaluar në San Bernardino të Kalifornisë risolli sërish shqetësimin për terrorizmin e kultivuar brenda vendit, zoti Johnson tha se përpjekjet e Departamentit të Sigurisë për të parandaluar sulme të tjera janë ndihmuar nga bashkëpunimi me komunitetin mysliman.

?Shumica dërrmuese e amerikanëve myslimanë, ku përfshihen edhe ata që shërbejnë në forcat tona të armatosura dhe në qeveri, janë njerëz patriotë të përkushtuar, të cilët e duan këtë vend dhe dëshirojnë të ndihmojnë sigurinë publike, pasi ky është edhe atdheu i tyre,? tha Sekretari Johnson.

Zoti Johnson hodhi poshtë aludimet se përpjekjet e Departamentit të Sigurisë kanë objektiv kryesor amerikanët myslimanë:

?Shteti Islamik, që është ndoshta organizata më e dukshme dhe më e rrezikshme me të cilën përballemi tani, është duke shënjestruar myslimanët amerikanë. Duhet të reagojmë duke e zmbrapsur këtë përpjekje si një çështje me rëndësi për sigurinë kombëtare.?

Zoti Johnson e përfundoi fjalimin me një thirrje për bashkëpunim dhe ndërtim urash komunikimi, duke thënë se komunitetet e amerikanëve myslimanë nuk duhet të përgojohen dhe izolohen./VOA