E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Asgjë e re nga Referendumi/ Nga Mero Baze

9 Prill 2016, 19:35, Aktualitet CNA

Por referendumi edhe pse duket si një përpjekje për ti mbyllur gojën pretendimeve të Blushit, në të vërtet është një kompleks faji që vet Rama ka ndaj neglizhencës së tIj për të bërë zgjedhjet në kohën e duhur dhe për të bërë ndryshimet në statut në kohën e duhur.

Tani që ky process u mbyll, është mirë të mos kujtohet si një fitore hsitorike, por si një kapak që mbulon një zhvillim anoRmal në Partinë Socialiste.

Thelbi I arsyes përse u mbajt ky referendum, është ti jepej fuqi prapavepruese një ndryshimi ligjor, që u bë në këtë Kongres lidhur me procedurnë e rizgjedhjes së kryetarit të partisë, në kohën kur partia është në pushtet. Parimi është korrekt, dhe mund të funksiononte duke u bërë ndryshimet në kohën e duhur, ose duke u bërë për herë të fundit zgjedhje me statutin e vjetër. Referendumi në fakt ishte një votbesim socialistësh për ti dhënë fuqi prapavepruse statutit të ri të PS, rezultat për të cilin askush nuk kishte dyshim.

Por Kongresi I fundit I Partisë Socialiste provoi nga ana tjetër, se stature nuk është një institucion që respektohet në atë parti. Mënyra se si ata vendosën ta mbyllin defektin e krijuar brenda partisë, është poplist dhe autoritar njëkohësisht.

Edi Rama I cili ka bezdi të lexoj statutin e partisë së tij dhe ta respektoj atë qoftë dhe fornalisht, në të vërtet nuk ka problem legjitimiteti nga vota e socialistëve, pasi socialistët e duan dhe e kanë zgjedhur si kryetar. Ai ka problem në raport me rregullat e përbashkëta për të cilën socialistët bien dakord të drejtojnë partinë. Dhe në këtë pikë referendumi u hodh poshtë nga Edi Rama qysh ditën e Kongresit, me rastin Kokëdhima.

Në arsyetimin që socialistët, sidomos ata që janë pranë Ramës, bënin se përse nuk u mblodh kryesia e PS dhe përse nuk u diktuan mbajtja e Kongresit në kohë, apo rizgjedhja e Ramës, ata përmendin faktin se shumë anëtarë të kryesisë së PS, ishin bërë si të tillë për shkak të mandatit të deputetit, që I bënte autmatikisht anëtarë të Asmblesë së PS, dhe kur ata ikën nga deputetë se u bën ministra, u ikën dhe funksionet e tyre politike, rrjedhimisht dhe votat në kryesi. Kjo krijoi një shumicë të diskutueshme në Kryesi, pro apo kundër vendimeve të Ramës për ta shtyrë Kongresin dhe rrjedhimisht Kryesia nuk u mblodh , Asambleja nuk u mbldh dhe Kongresi u shty deri më 2016.

Tani të gjitha këto defekte që vinin jo prej mungesës së legjitimitetit të Ramës, po prej bezdisë që ai ka për rregullat e përbashkëta, prodhuan këtë situatë qesharake, kur pyetet anëtarësia të legjitmoj një deformim statuti. Dhe do ishte gjysma e së keqes sikur kjo punë të mbyllej këtu.

Por ditën e fundit të Kongresit, Edi Rama diktoi zgjedhjen e Koço Kokdhimës si anëtar në Asamble, me propozim nga delegatët e Vlorës dhe jo për shkak të mandatit të tij si deputet, siç e ka statute I PS. Kjo me arsyetimin se pas pak javësh Kokëdhima, mund të mos jetë më deputet, e kështu nuk do të jetë as anëtar Asmableje dhe ndoshta anëtar kryesie.

Pra për të mbrojtur Ramën mbështetësit e Ramës, justifikuan shtyrjen e Kongresit se Rama nuk e mblidhte dot kryesinë, pasi I kishin ikur mandatet e mbështëtsve të tij, se u bën ministra, kurse për të mbrojtur Kokëdhimën, të njëjtët mbështetës pranuan që të rishkelej statuti I sapomiratuar dhe Kokëdhima të futej anëtar Asambleje, jo për shkak të funksionit si deputet, por si I propozuar nga populli. Atëhere kur e bëri këtë shkelje taze të statutit për Kokëdhimën, më mirë ta kishte bërë më parë për vete, ti quante anëtarë kryesie ministrat besnikë si Ditmirin, Arbenin, Ilirin, e këdo tjetër dhe të mos e bënte gjithë këtë rrëmujë kot. Pasi sot kemi një arsye përse Rama e shtyu Kongresin, që lidhet me mandatet e anëtarëve të kryesisë që vijnë si deputetë dhe një arsye përse Rama e shkeli me këmb Kongresin, duke bërë Kokëdhimën delegatë, jo për shkak të mandatit të tij si depute. Kjo tregon se sa energji e harxhuar kot është ky referendum, pasi në fakt niset të rregulloj atë që ka prish Rama para dy vjetësh dhe lë zbuluar ata që ka bërë Rama para dy javësh. Ndaj e vetmja vlerë e tij është ria vlej si gjimastikë zgjedhore. Se nuk I dihet çfarë sjell behari.