Një profesionist, socialisti dhe sekti e Rilindjes

8 Prill 2016, 14:39, Aktualitet CNA

Të gjithë kemi miq shokë dhe kolegë me bindje të majta dhe të djathta. Janë pjesë e jetës, shoqërisë por edhe familjes.

Në fakt sa herë pushtetet bejnë rotacion, tarafet dhe miqësitë përdoren për të mbajtur miqtë të njohurit apo shokët në punë, disa të tjerë funksionojnë duke hequr kundërshtarët politike.

Në fakt, socialistë, demokratë, të LSI-së apo çamë janë pjesë e një strukture politike, por ka edhe profesionistë dhe intelektualë që nuk angazhohen politikisht përvec shprehjes së vullnetit me votë.

Një rast i tillë është Robert Jano, një profesionist me te paktën 35 vite punë, inxhinier kimist që ka përfunduar shkollën me rezultate të shkelqyera. Në fakt prindërit e Erionit, dikur mesues ne Korçë, Robert Janos i vendosnin 10-ta, sot Veliaj e ?ngel? në klasë. E vërtetë që vret. Sot po largohet nga puna, jo nga forcat politike që jano berti përmenda më lart, por nga dikush tjetër. ?Sekti i Rilindasve? që kanë marë peng Partinë Socialiste, kështu i quan deputeti socialist Ben Blushi. Dhe në rastin konkret është ky sekt që vepron.

Largimet nga puna politikisht janë të përsëritura në Shqipëri, por heqja nga një sekt që mer peng një parti është edhe më e dhimbshme.

Ky është një rast jo më specific se të tjerët, por ka një mesazh dhe sinjal të fortë brenda. Kjo për faktin se vëllai i Robertit është Ilir Jano, një Rilindas i paepur. Debatues, mbrojtës i Sotiraq Filos në Korçë, kryetari bashkisë më qesharak në historinë e Korçës. Roja i Niko Peleshit në Bashki. Ketë të dytin Ilirit s?ja ze dot në gojë, edhe Erion Veliajn e mbron me të madhe.

Mbron kullën e betonit në Korcë, del kundër protestave tek Liqeni, shpreson tek Rilindja dhe nuk flet kurrë për bëmat e kësaj qeverie. Nga sot në fakt ai provoi Rilindjen e vërtetë, provoi në familjen e tij sesi ky sekt hedh në rrugë profesionistë dhe njerëz të talentuar. Sot sekti me një veprim negativ, më ndihmoi ti jap një leksion pozitiv mikut tim. I faktoi me vepra konkrete atë çfarë ja përsëris çdo ditë.

Nga sot shpresoj të ketë kuptuar se ka një diferencë të madhe mes të qënies socialist dhe pjesë e sektit të Rilindjes. Shpresoj shumë, që shumë socialistë ta kuptojnë vërtet se në ëfarë duar e lanë partinë e tyre ?heroike? dhe të reagojnë, jo vetëm për veten e tyre, por për Shqipërinë./Elvi FUNDO