web counter
LEXO PA REKLAMA!

SHKARKO APP

App Store
Google Play

Deklaratat e Ramës për Trump/ Reagon Lulzim Basha

8 Prill 2016, 12:19, Aktualitet CNA

?Nëse Trump do të zgjidhej President, marrëdhëniet Shqipëri-SHBA do të viheshin në rrezik?

Kjo ka qenë deklarata e kryeministrit Edi Rama mbrëmjen e djeshme në Klan Kosova në një intervistë me gazetarin Baton Haxhiu. Sot, media ndërkombëtare kanë pasqyruar deklaratat e Ramës.

Gjithashtu, edhe kreu i opozitës Lulzim Basha ka reaguar për këto deklarata duke u shprehur se , ka vendosur të mësojë amerikanët si të zgjedhin Presidentin e tyre.

Në një status në rrjetet sociale, Basha shkruan me ironi se pasi e ndriti në Shqipëri, duke vendosur krizën dhe varfërinë më të thellë, duke instaluar oligarkinë kriminalo-korruptive, duke konkuruar edhe Trumpin për pasuri personale, pasi shkel çdo ditë ligj dhe kushtetutë, kokoshi ka gati recetën për presidencialet amerikane.

Postimi i plotë i Lulzim Bashës
Lideri global ka marrë së fundmi një angazhim mbi të zakonshmen, ka vendosur të mësojë amerikanët si të zgjedhin Presidentin e tyre. Nuk është nga ato pleqërimet me Koçon te lapidari i Vunoit, është një punë që kërkon ta bëjë tani, sa më shpejt. Pasi e ndriti në Shqipëri, duke vendosur krizën dhe varfërinë më të thellë, duke instaluar oligarkinë kriminalo-korruptive, duke konkuruar edhe Trumpin për pasuri personale, pasi shkel çdo ditë ligj dhe kushtetutë, kokoshi ka gati recetën për presidencialet amerikane.

Arroganca dhe deliri si rregull e kanë një kufi, por lideri botëror po tregon se për të, këto çrregullime janë të pamata. Amerikanët shpesh e gjejnë një Borat për të kaluar ca orë në ekrane apo kinema. Kësaj radhe regjisorët s’kanë nevojë të lodhen shumë. Personazhi është vetëofruar.





Lajmet e fundit nga