web counter
LEXO PA REKLAMA!

SHKARKO APP

App Store
Google Play

E fundit!

x

Kush është ministri që i vodhën kasafortën dhe nuk e denoncoi ?

8 Prill 2016, 13:34, Aktualitet CNA

Gazetari investigativ Artan Hoxha, duke folur për emision të ?Paekspozuarit? të Ylli Rakipit në televizionin Ora News, tha se një ministri aktual të qeverisë i kishin vjedhur 500 mijë euro në kasafortë dhe ai nuk e kishte denoncuar.

I pyetur nga citynews, Hoxha rikonfirmoi faktin se njëri nga ministrat e qeverisë Rama është vjedhur, jo në zyrë, por në shtëpinë e tij. Ky ishte fakti që ritheksoi gazetari Hoxha për citynews.

Ne shkuam më tej qëndrimit të kolegut dhe nga burime të policisë, mësuam se vërtetë një nga ministrat është vjedhur, por policia nuk ka pasur denoncim për rastin në fjalë.

Vjedhja e shtëpisë së ministrit është mësuar në rrugë operative nga oficerët e krimit në kryeqytet. Pra, ministri nuk ka denoncuar, fakt që e theksojnë këto burime duke shtuar se i është kërkuar të denoncojë vjedhjen e shtëpisë së tij, por ai ka thënë se nuk e kanë vjedhur.

Në fakt, organet investigative kanë mësuar se ministrit i është vjedhur kasaforta dhe nuk dihet se cfarë ka pasur ajo brenda. Kjo për faktin se vetë ministri nuk ka pranuar të deponojë këtë në polici, për më tepër e ka fshehur vjedhjen e kasafortës. Cfarë mund të mbajnë ministrat në kasafortë? Gurë apo letra pa vlerë, thonë se zakonisht mbajnë diamante, tufa me euro e të tjera si këto.

Një tjetër burim i tha citynews se ministri i grabitur është anëtarë i kabinetit të qeverisë Rama, por përfaqësues i LSI-së në këtë qeveri. Grabitja ka ndodhur pak kohë më parë dhe ne mësuam se ministri i grabitur është përpjekur të fshehë gjithcka ka ndodhur, vjedhjen e shtëpisë dhe kasafortës. Cdo informacion që ka siguruar policia, po e ritheksojmë se është marrë në rrugë operative nga policia jo nga denoncimi i ministrit.

Citynews do vazhdojë të investigojë deri në fund se cili është ministri që i është vjedhur kasaforta, Ylli Manjani, Edmond Panariti apo Ministri i Transporteve, Edmond Haxhinasto./citynews





Lajmet e fundit nga