E fundit!

19:21 Politikë

"Ata tjerët të rrinë në rrugë deri në 2029"/ Rama me banorët e Zvërnecit: Sapo të jetë gati projekti do të vijë te ju, jo në Tiranë

Kryeministri Edi Rama ka theksuar në takimin me banorët e ...

Skandalet/ Drejtori, qindra milionë lekë për makina, kompjutera dhe ambiente me qira

7 Prill 2016, 15:09, Aktualitet CNA

Citynews ka denoncuar prej dy ditësh skandalet me vendimet e Këshillit Mbikëqyrës të Ujësjellës Kanalizimeve Pogradec, me propozim të drejtorit Valter Gora.

Klauzolë 500 milionë lekë dhe 50 milionë për një faqe web-i, janë dy skandalet e këtij institucioni të denoncuara nga citynews.

Por, vendimet abuzive nuk kanë janë ndalur. Të tjera vendime, të cilat zhytin Ujësjellësin e Pogradecit në një skandal të thellë me abuzime me fondet publike.

Blerja e Makinës

Këshilli Mbikëqyrës i Ujësjellës Kanalizimeve Pogradec ka vendosur miratimin e një fondi limit prej 75 milionë lekë për blerjen e një automjeti për nevojat e shoqërisë. Një institucion si Ujësjellësi i Pogradecit, bashki e cila llogaritet e rangut të dytë i lejon vetes të kryejë shpenzime marramendëse për mjetin që do përdoret nga shoqëria me drejtor Valter Gorën. Në një kohë kur qeveria akuzohej për blerjen e Xhaguarëvë të famshëm, Ujësjellësi Kanalizime Pogradec shpenzon miliona lekë për të blerë një automjet që ndoshta nuk e ka as Presidenti apo Kryeministri i vendit. Makina e drejtorit të Ujësjellësit Pogradec, do vleje më shumë se makina e sotme apo e nesërme e një ministri. Ndërmarrja mbytet në borxhe drejtori ndërron mjetin.

Pajisjet kompjuterike

Këshilli Mbikëqyrës ka vendosur gjithashtu blerjen e pajisjeve kompjuterike. Për blerjen e këtyre pajisjeve, këshilli ka vendosur një fond limit rreth 35 milionë lekë pa TVSH, ose gati 42 milionë lekë me TVSH. Një shumë e paimagjinueshme vetëm për pajisje kompjuterike. Ne nuk e dimë se cfarë pajisjesh janë këto që kërkon të blejë Ujësjellës Kanalizime Pogradec, por me një shumë të tillë, ndoshta kanë ndërmend të zëvendësojnë punonjësit me robotë. Kjo për faktin se ka vetëm 4 zyra gjithsej.

Ambiente me qira

Një tjetër vendim skandaloz, për të cilin citynews zbuloi abuzime nga drejtori Valter Gora, është miratimi për marrjen me qira të ambienteve në zonën e shërbimit Pogradec me qëllim shfrytëzimin e këtyre ambienteve për shërbime të ndryshme të UK. Për zbatimin e vendimit është ngarkuar drejtori i Përgjithshëm Valter Gora.

Burime për citynews thanë se ambientet e marra me qira nga Ujësjellës Kanalizime Pogradec, janë në pronësi të drejtorit Valter Gora. Ky i fundit nuk është mjaftuar me shpenzimet stratosferike për faqen e web-it, për automjet, apo për pajisje kompjuterike, por ka përfituar direkt nga fondet publike duke marrë me qira në llogari të Ujësjellësit ambientet e veta.

Të gjitha këto vendime janë miratuar unanimisht nga të gjithë anëtarët e saj, më datë 14.12.2015, duke filluar nga kryetari Roshi Torozhina (LSI) dhe nënkryetari Arben Berberi (PLIDR) si dhe anëtarët e tjerë: Vangjo Gusho (LSI), Anxhela Andoni (PS), Rajmonda Elmasllari (PS), Ariana Mema (G99) dhe Leonaard Manellari (Aleanca Demokratike).

Publikimi i vendimeve skandaloze nga citynews do të vazhdojë edhe në ditët e ardhshme, derisa prokuroria të reagojë dhe të nisë hetimet. Por ?hajdutët? nuk flenë, ata kërkojnë të dërgojnë vendimet e bordit për miratim në Këshillin Bashkiak të Pogradecit, akt i cili do të ?legalizonte? të gjitha vendimet abuzive dhe do t?ia ngecte këshillit, dhe me përgjegjësi kolektive të gjithë do shpëtonin nga zullumet ku janë mbytur./citynews