web counter
LEXO PA REKLAMA!

SHKARKO APP

Armëmbajtje pa leje dhe falsifikim dokumentash/ Policia arreston dy vëllezër

7 Prill 2016, 14:13, Aktualitet CNA

 

Policia e Lezhës ka ndaluar dy vellëzer për prodhim armësh dhe falsifikim dokumentash. 18 vjeçari Kristian Kolbuçaj është ndaluar pasi ka mbërritur në spitaline  Lezhës me një plagë me armë zjarri e cila është cilësuar si vetëplagosje.

Sipas burimeve policore  Kristian Kolbuçaj ishte vetëplagosur në banesën e tij gjatë kohës që po pastronte një armë zjarri pistoletë. Gjatë kontrollit  të banesës në cilësine e provës materiale iu gjetën dhe iu sekuestruan, një armë zjarri pistoletë, një  armë zjarri automatic dhe 16  fishekë.

Kolbuçaj  u arrestua në flagrancë për veprën penale ?Prodhim dhe mbajtje pa leje e armeve luftarake dhe municionit?.

Ndërkohë Specialistët e Seksionit të Krimit Ekonomiko ? Financiar, kishin paraqitur më parë  dokumenta në Prokurorine e Lezhës, për  ndjekjen e vëllait tjetër, Aleksandër Kolbuçaj. Ai dyshohej për falsifikim të dokumentave.

Policia gjatë kontrollit të ushtruar në banesën e tij  sekuestroi në cilesinë e proves material, leje drejtimi shqiptare, kartë identiteti italiane dhe një leje drejtimi italiane. Të gjitha  me fotografi te shtetasit Aleksander Kolbuçaj dhe me emra të ndryshëm , të falsifikuara. Këto dokumenta dyshohet se janë  përdorur nga ky shtetas.

Aleksandër Kolbuçaj është shpallur në kërkim më parë pasi Gjykata e Rrethit Gjyqësor Lezhë me datë 29.12.2015  e ka dënuar me 1 muaj e 19 ditë burg për veprën penale ?Vjedhja? mbetur në tentativë.





Lajmet e fundit nga