E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Lirohen zyrtaret e akuzuar për ndërtime pa leje në Vlorë

10 Mars 2016, 20:23, Aktualitet CNA

Gjykata e Vlorës ka vendosur sot masën e sigurisë ?detyrim paraqitjeje?, për 6 personat e arrestuar tre ditë më parë, 5 prej të cilëve zyrtarë të INUV, objekt i akuzës së prokurorisë për ndërtimin e paligjshëm të një godine shumëkatëshe në këtë qytet. Një prej tyre, David Tushaj, Kryeinspektori i INUV Vlorë, është denoncuar më herët nga citynews pasi akuzohej për falsifikim dokumentash. (http://www.citynews.al/2016/02/skandali-zyrtari-i-bashkise-vlore-i-akuzuar-per-falsifikim-dokumentash/)

Seanca, që u zhvillua pa praninë e përfaqësuesve të shtypit dhe qytetarëve, nisi në orën 14.00 dhe përfundoi pak pas orës 17.00. Në sallë ishin të pranishëm 5 prej të akuzuarve, ndërkohë që, Edmond Aliaj, administratori i firmës ?Endriu 008?, nuk ishte paraqitur për shkak të problemeve të shumta që kishte shfaqur me shëndetin gjatë tre ditëve të fundit.

Përfaqësuesi i organit të akuzës kërkoi të vlerësohej i ligjshëm arrestimi i të akuzuarve, si edhe masën ?arrest në burg? për ta. Por, argumentet e paraqitura nga organi i akuzës në seancë, nuk u vlerësuan të mjaftueshme nga ana e trupit gjykues, për të pranuar kërkesën e Prokurorisë. Avokatët mbrojtës ngulmuan në qëndrimin se procedura e ndjekur dhe arrestimi i klientëve të tyre ishte tërësisht i paligjshëm.

Në këto kushte, trupi gjykues i kryesuar nga Skënder Haluci vendosi masën e sigurisë ?Detyrim paraqitjeje?.

Edmond Aliaj, administrator i subjektit ?Endriu 008? shpk, David Tushaj, Kryeinspektor i INUV, Besnik Karabolli, ish kryeinspektor i INUV (qershor 2012-nëntor 2014), Iriald Dervishaj, inspektor, Marjol Mustafaraj, inspektor, Endri Zeneli, inspektor pranë INUV, u arrestuan katër ditë më parë me urdhër të Prokrurorisë së Vlorës, pas një hetimi të nisur në muajin janar të këtij viti.

Mësohet se historia e godinës shumëkatëshe (6-11-12 kate), përgjatë një segmenti rrugor mjaft të preferuar, që lidh bulevardin Vlorë-Skelë me ?Transballkaniken? ka nisur në vitin 2011, me dhënien e lejes përkatëse të ndërtimit për firmën ?Endriu 008?, që ishte edhe investitor.

Por pas kësaj (pas një periudhe ndoshta disamujore), mësohet se leja e ndërtimit në fjalë, për shkaqe dhe arsye që nuk bëhen të ditura, të jetë revokuar (pezulluar), deri në një moment të caktuar, së bashku me disa të tjera.

Por, gjithashtu mësohet se administratori i subjektit në fjalë i është drejtuar Gjykatës për të goditur këtë vendim, në një proces që ka përfunduar në favor të tij. Ndërkaq mësohet se ndërtimi në fjalë është përballur me një konflikt, i cili nuk është zgjidhur. Dhe, duket se në këtë ecuri praktikash proceduriale, organi i hetimit ka gjetur hapësirat për të nisur hetimin dhe për të ngritur akuzat, bazuar edhe në denoncimin e bërë nga ana e dy qytetarëve, të dëmtuar nga ndërtimi në fjalë.

Prokuroria e Vlorës ka nisur hetimin në bazë të kallëzimit të dy qytetarëve, të dorëzuar në janar 2016, sipas të cilëve firma e ndërtimit ?Endriu 008? po ndërtonte një godinë shumëkatëshe, duke zënë pronën e tyre.

Gjatë procedurës hetimore, sipas Prokurorisë së Vlorës, u krijuan dyshime të arsyeshme se nga ana e zyrtavë të INUV ishin konsumuar elementët e veprës penale të ?Shpërdorimit të detyrës?, ndërsa për administratorin e kompanisë së ndërtimit, ato të veprës penale të ?Ndërtimit të paligjshëm?.