E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

Ekskluzive ngjarja/ Nga kush dhe pse u arrestua Androkli Kokthi, Drejtori i Tatimeve në Tiranë?

10 Mars 2016, 17:10, Aktualitet CNA

Një muaj më parë në datën 18 shkurt pasdite u ndalua nga blutë e kryeqytetit, Androkli Kokthi, atëherë me detyrë Drejtor Rajonal I Tatimeve në Tiranë.

Mediat raportuan disa versione deri në publikimin e atij final. Policia raportoi se, ?një muaj më parë, ai i kishte kthyer mallin me një vlerë prej 4 milionë lekësh një biznesmeni, mall i cili ishte bllokuar më parë nga specialistët e Drejtorisë së Tatimeve. Urdhri i drejtorit Rajonal të Tatimeve të Tiranës për kthimin e mallit, pjesë këmbimi automjetesh, sipas Policisë është joligjor dhe është konsumuar vepra e ?shpërdorimit të detyrës. Të njëjtat dyshime i ka konsideruar edhe Prokuroria si të bazuara në ligj, ndaj dhe ka ngritur akuzën e ?shpërdorimit të detyrës?, duke firmosur urdhrin e arrestimit.

Sipas këtij raportimi rezulton se Drejtori i Tatimeve Tiranë, është fajtor për një mall me vlerë totale 4 milionë lekë të reja, të cilat janë pjesë këmbimi që ja ka rikthyer subjektit.

Citynews investigoi më tej këtë ngjarje e cila ka anën e saj të errët. Kjo jo për të mbrojtur një drejtor të korruptuar dhe hajdut, që në fakt njihet si arroganat por edhe si profesionist fushës. Për të nxjerë në dritë të vërtetën e një ngjarjeje që përflitet si mjaft e dyshimtë për vlerat monetare, menyrën e veprimit, mbështetjen politike e kështu me rradhë.

Janë disa pyetje që lindin me këtë arrestim. Polica tha atëherë se kishte 8 muaj që e përgjonte. Po si nuk mundi në 8 muaj të zbulojë skandale dhe vjedhje me miliona euro por përfundoi tek një sebep qindarkash. Tatimet e Tiranës janë fabrikë parash për të korruptuarit e tatimeve, si mund të përfundojë një drejtor profesionist i fushës për një faturë malli të bllokuar? Vlera është qesharake pasi totali ishte 4 milionë lëkë ndërkohë vlerat që qarkullojnë tek Tatimet e Tiranës janë miliona euro.

Në fakt burime nga tatimet i thanë citynews, se malli nuk është lëshuar pa faturë, por i është rikthyer subjektit pasi ai ka paraqitur faturën doganore të vlerës së mallit. Pra një faturë dhe document real vlere ekzistonte mbi bazën e të cilit janë kryer veprimet.

Dokumenti ekzistonte dhe Androkli Kokthi në bazë të tij ka proceduar ligjërisht, por kjo si ka hyrë në sy policisë dhe prokurorisë.

Kiu i tatimeve më shumë se zbulim korrupsioni duket të jetë ?kokë? turku e pushtetit, megjithse ishte një nga aktivistët e fortë të PS tek ish minibashkia 5, jo vetëm por drejtues dhe sponsor.

Ka disa informacione që qarkullojnë në qarqet mediatike, tek zyrtarët socialistë por edhe tek tatimet.

Perflitet se Androkli Kokthi është arrestuar pas një përplasjeje me Ministrin e Brendshëm, Saimir Tahiri, është version që qarkullon kudo. Nuk dihen arsyet dhe shkaqet e kësaj përplasje, por ajo duket të jetë aq e fortë sa ka cuar në ?hakmarrje? Ministrin e Brendshëm.

Kokthi njihej për kokëfortësinë dhe arrogancën e tij, ndoshta koka e fortë u përplas në mur dhe muri e coi pas hekurave. Aktualisht ish-kreu i tatimeve të Tiranës është në arrest shtëpie pas vendimit të gjykatës të Apelit në kryeqytet./citynews