web counter
LEXO PA REKLAMA!

SHKARKO APP

App Store
Google Play

Shënim- Ministrat dhe servilat e Ramës/ Për inat të Blushit, mohojnë Shqipërinë

9 Mars 2016, 20:55, Aktualitet CNA

?Nese duhet te zgjedh mes Partise dhe Shqiperise, zgjedh pa dyshim te dyten! Cdo dite. Deri ne fund? ishte kjo deklarata e deputetit Ben Blushi në Asamblenë Kombëtare të Partisë Socialiste që shkaktoi një lum reagimesh brenda selisë rozë, të gjitha në të njëjtin drejtim te njera-tjetrës, por në të kundërt të Blushit. Për inat të këtij të fundit, Kreu i diplomacisë shqiptare, Ministri i Jashtëm Ditmir Bushati tha se nuk shihte ndonjë ndryshim mes Partisë dhe Shqipërisë. Deklarata e Bushatit në fakt nuk duhet të merret në konotacionin negativ, pasi ajo reflekton diplomacinë ?shumë të mirë? që Ministri bën duke përfaqësuar vendin tonë.

Ndërkohë Ministri i Brendshëm Saimir Tahiri ka refuzuar t?i bashkohet ?bastit? të kolegëve të tij. Drejtuesi kryesor i luftës ndaj tritolit, banditëve dhe drogës nuk dinte të deklaronte se vendi të cilin ai pretendon se po e mbron nga krimi, në fakt nuk mund të krahasohet aspak me partinë e tij.

Për të kryqëzuar Blushin dhe për t?iu servilosur kryetarit Edi Rama, ish-Kryeministri Pandeli Majko tha se më shumë donte Partinë se Shqipërinë. Fatkeqësisht ?patrioti i madh?, ai që deri dje ngrinte flamurin për Kosovën, Shqipërinë dhe nacionalitetin, i paska patur asgjë më shumë veçse hipokrizi dhe se për të më e rëndësishme është partia dhe jo Shqipëria.

Në revanshin kundër Blushit, nuk kishte si të mungonte edhe Nënkryetari i grupit parlamentar socialist, Taulant Balla i cili në mënyrë kategorike pranonte partinë para Shqipërisë. Për deputetin socialist e dimë se e ka bërë nga inati ndaj Blushit dhe dëshirës shumë të madhe për të mbrojtur Kryetarin Rama.

E rëndësishme  është që deklarata me të cilën deputeti Ben Blushi provokoi, mundi të na ofronte disa të vërteta të mëdha: se ministrat dhe ligjvënësit tanë kanë më të rëndësishme partinë se Shqipërinë./citynews





Lajmet e fundit nga