E fundit!

14:36 Aktualitet

Rama para samitit BE-Ballkani Perëndimor: Tri gjëra nuk parashikohen, Zoti, seksi dhe BE-ja

Kryeministri Edi Rama ka komentuar procesin e integrimit t...

Albana Osmani, aktore në një film Hollivudian

5 Mars 2016, 20:00, Lifestyle CNA

Moderatorja e ?Fiks Fare?, Albana Osmani, do të luajë në një film hollivudian. Anabel raporton se ajo do të luajë për herë për herë të parë si aktore me një rol shumë të rëndësishëm. Mësohet se filmi ku do të luajë Albana është “Djegia e Lazaratit”, një produksion ky që do të publikohet në qershorin e vitit 2017.

Producentët e filmit të fjalë e zgjohën Albanën për të qenë pjesë e kastës së aktorëve, teksa ishin ulur në një prej kafeneve të Tiranës. Ata vunë re një vajzë, e cila u tërhoqi vëmendje, pasi kishte portretin e duhur për njërin prej roleve më emocionale në film.

?Po pinim kafe me një miken time, Donika Bardhën, ndërsa producentët e Mercury Films ishin ulur tek një tavolinë pranë nesh?, rrëfen Albana Osmani për Anabel.al, ?Unë e kam për natyrë të flas me ekspresivitet, dhe mbase kjo u ka bërë përshtypje. Mu afruan pa e ditur se unë punoj në televizion, e gjëra të tilla? U takuam, dhe pa më thënë asnjë detaj, më thanë se portreti im u dukej i përshtatshëm për një karakter që duhej në film. Më pas, kur u tregova se kisha një përvojë shumëvjeçare në ekran, u ndienë shumë mirë, pasi kjo do të thoshte se mund të komunikoja natyrshëm me kamerat?

?Personazhi im do të fokusohet shumë tek portreti. Portreti duhet të jetë pjesa më shprehëse?, ka dhënë Osmani disa detaje për Anabel.al, ?Për mua është një dimension tjetër, paçka se përvoja në televizion më ka familjarizuar me kamerat, sidomos në ?Fiks Fare? ku aktrimi është një pjesë e rëndësishme. Si aktore ndihem gati edhe entuziaste!?

?Por ajo që më emocionon më tepër është se ky film do të përshkruajë një pjesë të kalvarit që ka kaluar vendi im, Shqipëria. Kësaj radhe do të tregohet një Shqipëri e vërtetë, ashtu siç është, me gjithçka ka kaluar në vitet ?90, e gjithashtu do të tregojë se ka njerëz këtu, të cilët luftojnë për ideale dhe për një vend më të mirë? përfundon Osmani.