web counter
LEXO PA REKLAMA!

SHKARKO APP

Arrestohet kryetari i Vetëvendosjes Visar Ymeri

2 Mars 2016, 09:28, Kosova & Bota CNA

Policia e Kosovës arrestoi mëngjesin e sotëm kryetarin e Lëvizjes Vetëvendosje, Visar Ymeri.

Në një postim në rrjetin social Facebook, Lëvizja Vetëvendosje bën të ditur se ?disa pjesëtarë të Policisë së Kosovës kanë arrestuar në banesën e tij kryetarin e VV-së, Visar Ymeri?.

?Visar Ymeri është arrestuar edhe pse gëzon imunitet, si deputet i Kuvendit të Kosovës. Ai është dërguar me forcë në gjykatë, ku është i thirrur si dëshmitar?, thuhet në postimin e VV-së.

Më tej Vetëvendosja thekson se ?arrestimi i kryetarit të subjektit më të madh opozitar vjen pas qindra arrestimesh të aktivistëve e deputetëve të Lëvizjes në gjashtë muajt e fundit. Arsyet e kësaj përndjekje mesjetare janë tërësisht politike, duke qenë se për gjashtë muaj me radhë Lëvizja Vetëvendosje ka arritur të bllokojë marrëveshjet e dëmshme për vendin, atë për ?Zajednicën? dhe ?Demarkacionin?./ATA





Lajmet e fundit nga