E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Kredi marramendëse ndaj bankave/ Sekuestro hoteli luksoz në Tiranë

26 Shkurt 2016, 08:25, Aktualitet CNA

Një nga hotelet më luksoze në Tiranës, ?Xheko Imperal? apo sic njihet ndryshe ?Xheko Imperal?, prej një muaji është sekuestruar nga përmbaruesi Edvin Malotaj. Vendimi për sekuestrimin e hotelit luksoz është marrë më 19 janar të këtij viti. Zyra e Hipotekës ka bërë bllokimin e 23 pasurive të këtij hoteli që rezultojnë me certifikatë pronësie.

Lajmi bëhet e ditur nga shqiptarja.com, e cila thekson se pronari i këtij hoteli, Agron Xheko, për të ndërtuar hotelin ka marrë një kredi prej 5.5 milionë euro në disa banka të nivelit të dytë. Por, biznesmeni Xheko, prej disa kohësh nuk ka arritur të shlyejë këstet mujore, madje në kohët e fundit ai kishte shkëputur marrëdhëniet me bankën.

Tre super kreditë

Në 6 tetor 2007 Agron Xheko ka marrë pranë një banke të nivelit të dytë një kredi prej 900 mijë euro e cila është ndryshuar me amendamentin e 10 marsit 2008. Nga ana e biznesmenit Agron Xheko, i cili rezulton debitor, nuk është shlyer detyrimi në afatet e përcaktuara në kontratë, duke ndërprerë marrëdhëniet e pagesës me bankën, duke lënë pa paguar shumën prej 864.424 euro, raporton Shqiptarja.com

Pas kësaj kredie biznesmeni ka marrë një tjetër kredi, ku banka ka rënë dakord ti japë kredimarrësve shumën prej 2 milion e 400 mijë Euro e cila do të paguhej me 216 këste mujore duke filluar pagimin e këstit të parë mujor në muajin korrik 2007.
Shuma e principalit të kredisë do të paguhet me 216 këste mujore duke filluar pagimin e këstit të parë në muajin korrik 2008. Interesi do të paguhej çdo muaj duke filluar pagimin e këstit të parë 30 ditë pas disbursimit deri në muajin korrik 2026?. Sipas bankës kredimarrësi i detyrohet bankës një total prej 2.223.026 euro, por kjo shumë nuk është kthyer.

Ndërkohë pas kësaj kredie, sërish biznesmeni Xheko ka marrë një kredi tjetër në vlerën 2.223.880 euro. Të gjitha kreditë janë përdorur për ndërtimin e superhotelit, i cili nga sa mësohet vijon të ndërtohet ende në disa pjesë të tij.