web counter
LEXO PA REKLAMA!

SHKARKO APP

App Store
Google Play

PD do bllokojë parlamentin

23 Shkurt 2016, 14:46, Politikë CNA

Partia Demokratike ka zhvilluar sot një mbledhje me dyer të mbyllura me grupin e saj parlamentar. Në një prononcim pas mbledhjes, kreu i Partisë Demokratike, Lulzim Basha, tha për mediat se që ditën e enjte, në seancën parlamentare, do të kërkohet miratimi për hyrjen në fuqi të ligjit për dekriminalizimin.

Burime brenda PD-së thanë për citynews, se në rast se dicka e tillë nuk ndodh, deputetët e kësaj force politike do të bllokojnë punimet në Kuvend. Partia Demokratike, ka marrë shkas për të rinisur luftën për dekriminalizimin nga rikthimi në parlament i deputetit Armando Prenga, i cili u la nën masën e sigurisë ?Detyrim me Paraqitje?.

Të njëjtat burime, thanë për citynews se Partia Demokratike do të intesifikojë kërkesën e saj për hyrjen në fuqi të menjëhershme të ligjit për dekriminalizimin. PD do të propozojë në seancën parlamentare të së enjtes miratimin e këtij ligji, dhe do të insistojë në largimin e deputetëve të inkriminuar, duke nisur nga Armando Prenga.

Sipa burimeve brenda PD, seancat parlamentare do të bllokohen deri në momentin që ligji i dekriminalizimit të fillojë zbatimin. Sipas Partisë Demokratike, kryeministri Edi Rama e ka kthyer Partinë Socialiste nga një familje politike në një familje kriminale duke afruar persona me precedentë të mëparshëm penalë./citynews





Lajmet e fundit nga