E fundit!

07:35 Kosova & Bota

920 viktima nga tërmetet në Venezuelë/ Vijojnë kërkimet për të mbijetuarit

Bilanci i viktimave nga dy tërmetet e fuqishme që goditën ...

Patozi: 20 shkurti po keqpërdoret. Basha i ndryshëm nga Berisha, por mund t’ia dalë

19 Shkurt 2016, 15:09, Politikë CNA

Deputeti i Partisë Demokratike, Astrit Patozi, mendon se greva e urisë 25 vite më parë po keqpërdoret. Në një intervistë për News 24, Patozi, një nga studentët e grevës së urisë, shprehet se shumë raste janë abuzuar dhe për të nuk është cudi që një ditë, Edi Rama, të thotë që greva u organizua nga Partia Socialiste.

?Kur them keqpërdorim kam parasysh fetishizimin apo hiperbolizimin që sipas meje është i panevojshëm sepse ajo e ka vetë rëndësinë dhe vlerën e vet dhe nuk ka asnjë nevojë për ta bërë më të madhe seç ka qenë. Dhe keqpërdorimi apo abuzimi, manipulimi që bën pjesa tjetër dhe ne e kemi treguar në shumë raste, saqë unë nuk e teproj po të them që në rast se, larg qoftë Edi Rama do qëndronte për një kohë të gjatë në pushtet, nuk do ishte e largët dita që të thuhej se grevën e urisë së studentëve e organizoi partia socialiste. Sepse të tilla janë jashtë zhvillimit, theksoj se kishte një peshë të jashtëzakonshme?, deklaron ai.

Deputeti Patozi flet edhe në lidhje me opozitën e sotme dhe kryetarin e PD-së Lulzim Basha. Ai nënvizon se PD duhet të jetë lokomotiva e opozitës, ndërsa shprehet se Basha ndryshon nga Berisha, por mund tia dalë.

?25 vite më parë në grevën e urisë njerëzit mbanin radhë për të hyrë brenda sepse 700 e ca ishim në që u futëm brenda, por ishim më tepër ato që donin të hynin por nuk kishin më vend. Pra të rinjtë e saj kohe mbanin radhë për një mision, apo për një ideal apo qoftë dhe sakrificë. Sot kjo nuk ndodh për fat të keq. Sot për arsye tona, për arsye politike, për deformimin e sistemit, të rinjtë mbajnë radhë për konformizëm, për t?u servilosur por jo për të sakrifikuar dhe për të pasur një mision dhe kjo është një gjë që duhet të ndryshojë. E ritheksoj i takon opozitës dhe PD si lokomotiva e opozitës që ta udhëheqë vendin duke i nxitur shpirtin e protestës dhe reagimit?, nënvizon ai.

?Zoti Basha dhe Zoti Berisha ndryshojnë shumë dhe këtë nuk kam nevojë ta them unë, janë koshientë dhe ata vetë, e kanë thënë vetë në një farë mënyrë. E dinë të gjithë, është një gjë e njohur botërisht por kjo nuk është pengese që PD të drejtohet me sukses. Për shkak se nuk e përcakton as stili dhe as temperamentin lidershipin, pra aftësinë për të drejtuar. Absolutisht. Unë njoh plot udhëheqës që janë flegmatik në botë dhe rajon që, kanë arritur suksese shumë të mëdha, udhëheqës patetik apo dhe karizmatik që kanë pasur po kaq sukses?, deklaron Patozi.