web counter
LEXO PA REKLAMA!

SHKARKO APP

App Store
Google Play

Paligjshmëria/ Policia arreston 28 persona

15 Shkurt 2016, 08:07, Kronika CNA

Policia së Shtetit ka vijuar punën për ?Parandalimin dhe goditjen e veprimtarisë së paligjshme?,  në parandalimin dhe goditjen e vjedhjes së energjisë elektrike, në parandalimin e ndërtimeve të paligjshme , prerjen e paligjshme të pyjeve , si dhe organizimin e lotarive të palejuara.

Burime nga policia bëjnë me dije se në drejtim të parandalimit dhe goditjes së vjedhjes së energjisë elektrike gjatë kësaj jave në të gjithë vendit kanë vepruar në terren 90 grupe të përbashkëta POLICI-OSHEE. Janë kryer 3.212 kontrolle në terren. Gjatë kontrolleve u evidentuan 50 raste të vjedhjes së energjisë elektrike, me 50 autorë. Nga këta, 24 autorë janë arrestuar në flagrancë, 6 autorë janë shpallur në kërkim dhe 20 autorë ndiqen në gjendje të lirë.

Në fushën e ndërtimeve të paligjshme , nga ana e Strukturave të Policisë së Shtetit në të gjithë vendin janë evidentuar 19 raste të ndërtimeve pa leje. Për këto raste janë evidentuar dhe proceduar 19 autorë nga të cilët, 3 autorë janë arrestuar në flagrancë, ndërsa 16 autorë ndiqen në gjendje të lirë.

Në kuadër të masave për parandalimin e prerjeve të paligjshme të pyjeve , gjatë kësaj periudhe në të gjithë vendin janë evidentuar 8 raste me 8 autorë, nga të cilët 1 është arrestuar në flagrancë dhe 7 ndiqen në gjendje të lirë.

Ndërsa në fushën e organizimit të lotarive të palejuara , Policia e Shtetit ka evidentuar 6 raste me 6 autorë, të cilët ndiqen në gjendje të lirë.

Policia njofton se rdhe në javët në vazhdim , Strukturat e Policisë së Shtetit do vijojnë punën për parandalimin dhe goditjen e veprimtarisë së paligjshme.





Lajmet e fundit nga