web counter
LEXO PA REKLAMA!

SHKARKO APP

App Store
Google Play

E fundit!

x

BE, ultimatum Greqisë për kontrollin kufitar

12 Shkurt 2016, 21:16, Kosova & Bota CNA

Bashkimi Evropian i ka dhënë Greqisë një ultimatum tre mujor për të ndrequr ?problemet? në kontrollin e kufijve, përndryshe do të përballet me pezullim të antarësimit në Zonën e Shengenit për lëvizjen pa viza.

Bashkimi Evropian miratoi të premten një dokument me një numër rekomandimesh për masa që duhet të marrë Greqia, përfshirë procedurat e regjistrimit, kontrollin e ujërave territoriale, procedurat e kontrollit kufitar, analizimin e kërcënimeve, trajnimin e personelit, përmirësime në infrastrukturë, pajisje dhe bashkëpunim ndërkombëtar.

Një raport i nxjerrë në fillim të muajit nga Komisioni Evropian arrin në përfundimin se Greqia nuk ka bërë sa duhet për të parandaluar fluksin e refugjatëve në territorin e saj, me destinacion Evropën veriore.

Zona e Shengenit mundëson lëvizjen pa viza për shtetasit e 26 vendeve anëtare të BE, por edhe për shtetas të tjerë që ndodhen brenda territorit të Bashkimit Evropian. Disa vende evropiane kanë vendosur kontrolle të përkohëshme kufiri për të penguar dyndjen e refugjatëve.

Organizata Ndërkombëtare e Migracionit thotë se mbi 83 mijë refugjatë mbërritën në Evropë këtë vit dhe 77 300 prej tyre zbritën në Greqi pas udhëtimit përmes detit nga Turqia. /VOA





Lajmet e fundit nga