web counter
LEXO PA REKLAMA!

SHKARKO APP

App Store
Google Play

Sot, përvjetori i krijimt të DEBATIK-ut

10 Shkurt 2016, 12:10, Aktualitet CNA

Organizata Djemtë e Bashkuar Anëtarë të Idealeve Komuniste shënon sot 74 vjetorin e krijimit të saj. DEBATIK u krijuar më 10 shkurt të vitit 1942 nga një grup i moshave 10 deri në 14 vjeç. Ata u grumbulluan tek kodra e Saukut dhe kryen betimin dhe lidhën besën kundër pushtuesve italianë. Sot, disa prej fëmijëve të anëtarëve të parë të DEBATIK-ut  janë drejtues në qeveri. Së fundmi edhe kryetarja e FRESSH, Joleza Koka, është ironizuar duke u cilësuar si debatikëse për shkak të fjalimit të përcartë që ajo mbajti përpara të rinjve socialistë.

 Pjesëtarët e parë që organizuan mbledhjen e 10 shkurtit 1942 janë : Ahmet Godenca, Ali Anadolli, Agim Kalo, Agim Tugu, Bardhyl Erebara, Gaqo Marko, Gëzim Erebara, Perlat Bozgo, Petrit Mëzezi, Musa Anadolli, Selman Vaqari, Xhjevat Bozgo. Pas krijimit të kësaj Organizate u grumbulluan rreth saj me qindra fëmijë të tjerë adoleshent, që u organizuan në grupe të vogla dhe të manovrueshme për veprimtari klandestine.

Kjo Organizatë në të gjithë veprimtarinë e saj udhëhiqej nga edukatorë të Rinisë Komuniste si Ludovik Shllaku, Manush Alimani, Misto Mame, Alqi kondi, Hamdi Sollaku, Skënder Begeja, etj. Edukatorët u vunë në krye të punës për edukimin e fëmijëve dhe adoleshentëve, për organizimin sa më të mirë të tyre në luftë dhe aksione kundër pushtuesve. Gjashtëmujori i dytë i vitit 1942 ishte kohë e një zgjerimi të madh të Organizatës së debatikasve.

 





Lajmet e fundit nga