Antena në qendër të Korçës/ Asnjë leje mjedisore dhe matje të çertifikuar

10 Shkurt 2016, 18:49, Aktualitet CNA

Antena në qendër të Korçës rezulton të jetë pa asnjë leje mdjesiore nga Agjensia Rajonale e Mjedisit, nuk ka pasur dhe nuk ka asnjë matje të certifikuar nga Zyra e Mbrojtjes nga Rrezatimi Jonizues. Problemin shqetësues për shumë banorë të Lagjes 12 në Korçë e ka ndjekur një Studio Ligjore “Ballauri”, e cila bën me dije se bë vijim do të bëjë publike të gjithë dokumentacionin zyrtar të këtij objekti dhe rrugën ligjore që do të ndjekë për këtë rast.

Deklarata e Studios Ligjore “Ballauri”

Panoramike apo vrastare?!

Kjo është një pyetje retorike që shumë korçarë çdo dite ia bëjnë vetes! Korça një qytet i bukur juglindor. Në këto vite tranzicioni ka mundur që të ruajë në mënyrë fanatike qytetërimin që e karakterizon. Kjo ka ardhur si pasojë e një kulture shumë vjeçare. Qyteti këto vite ka ndryshuar. Dëshira e qytetarëve dhe investimet që Bashkia ka bërë i kanë dhënë një rifreskim qytetit. Korça tashmë është një destinacion i padiskutushëm. Korça dhe rrethinat e saj kanë çfare t?i ofrojnë vizitorëve. Por, me zhvillimin ecën paralelisht edhe abuzimi. Në qendër të Korçës në godinën e Albtelekomit ndodhet një stacion antenash të ndryshme transmetimi. Veçori e këtij stacioni, në dijeninë tonë unik në Shqipëri për vendndodhjen e tij, është që çdo vit ngrihet në lartësi dhe mbushet me transmetues në trupin e saj. Kjo antenë ka qënë dhe është një shqetësim për banoret sidomos të Lagjes 12. Kur kontakton me ta dëgjon që i venë fajin rrezatimit të transmetuesve që janë të vendosur në antenë, për një sërë problemesh shëndetsore te tyre. Ata shprehen se kjo zonë ka një problem të madh rrezatimi dhe se ka një periudhë 10-15 vjeçare që të prekurit me sëmundje kanceroze janë të shumtë. Banorët nuk kanë marrë njoftim sipas ligjit për sasine dhe llojin e rrezatimit që ka ky stacion.

Studio Ligjore ?BALLAURI? me vullnetin e shumë familjeve të Lagjes 12 filloi përfaqësimin dhe mbrojtjen e interesave të ligjshme të tyre. Kërkoi informacion në lidhje me dokumentacionin që disponojnë institucionet përgjegjëse, pranë Bashkisë Korçë, Agjensisë Rajonale të Mjedisit Korçë dhe Zyrës së Mbrojtjes nga Rrezatimi Jojonizues. Nga korenspondenca e deritanishme rezulton që ky stacion nuk ka asnjë leje mjedisore nga Agjensia Rajonale e Mjedisit Korçë, nuk ka pasur dhe nuk ka asnjë matje të certifikuar nga Zyra e Mbrojtjes nga Rrezatimi Jonizues.

Me keqardhje për të gjithë qytetarët korçarë, por sidomos për banorët e Lagjen 12 Korçë, në këtë situate mungese dokumentacioni dhe miratimi nga institucionet përgjegjëse për këtë objekt, gjendja duket dramatike.

Legjislacioni parashikon që para se të merret leja e ndërtimit për një objekt të tillë, duhet të merret leja mjedisore, te bëhen matjet e rrezatimit dhe të bëhen publike detajet për të gjithë komunitetin, të cilët kanë të drejtën të shprehin qëndrimin e tyre. Studio Ligjore ?BALLAURI? në vijim do të bëjë publike të gjithë dokumentacionin zyrtar të këtij objekti dhe rrugën ligjore që do të ndjekë për këtë rast.