web counter
LEXO PA REKLAMA!

SHKARKO APP

App Store
Google Play

Pasuria e miliarderit Astrit Veliaj

27 Janar 2016, 09:52, Aktualitet CNA

Deputeti i Partisë Demokratike, Astrit Veliaj, është një nga politikanët më të pasur të Kuvendit. Veliaj ka një pasuri të konsiderueshme në prona private, sende me vlerë si dhe llogari bankare.

Në një vëzhgim të deklarimit të pasurisë së deputetit të qarkut të Beratit rezulton se ai ka 24 apartamente me një vlerë prej rreth 3.5 milionë euro. Veliaj zotëron edhe një sipërfaqe të konsiderueshme pasuri të paluajtshme, të cilat kapin një vlerë rreth 2.5 milionë euro.

Përsa i përket llogarive bankare, deputeti Veliaj rezulton të ketë 3 të tilla, një në lek, një në euro dhe një në dollarë. Në monedhën shqiptare, Veliaj ka një llogari me 5.568.636 lekë. Ndërsa në vlerën europiane, rezulton një llogari me vlerë prej 430 944 euro. Logaria në dollarë është thuajse e zbrazur, ka vetëm 561 dollarë. Veliaj ka dhënë edhe shuma të konsiderueshme borxhesh.  Gjendja e llogarive bankare në bankat e nivelit të dytë është 18 677 270 lekë. 6 persona i kanë atij borxh 1.2 milionë euro, ndërsa një tjetër i detyrohet Veliajt, 170 mijë euro dhe 3.2 milionë lekë (të reja).

Deputeti demokrati është një i apasionuar pas pikturave. Rezulton se ai ka blerë 3 piktura me vlerë 220 mijë euro. Gjithashtu, veliaj zotëron 3 makina, me vlerë 15 000 euro, 72 000 dollarë dhe 23 000 euro./citynews





Lajmet e fundit nga