E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Zbulohet afera e Ministrisë së Arsimit me tenderin e internetit

24 Janar 2016, 14:12, Politikë CNA

Ministria e Arsimit është përfshirë në një skandal për tenderin e furnizimit me internet në 2 mijë shkollat e vendit. Në auditimin e kryer nga Kontrolli i Lartë i Shtetit, theksohet se janë faturuar rreth 33 milionë lekë për furnizimin me internet të 2 mijë shkollave në mbarë vendin, në një kohë kur ky shërbim nuk ishte konfirmuar. Gazeta ?Sot? ka publikuar raportin e auditimit në ministrinë e Arsimit si dhe manovrat që janë kryer në këtë aferë.

?Nga auditimi u konstatua se kompania ?A…? sh.a, për realizimin e kontratës ?Lidhja dhe furnizimi me internet i 2000 shkollave në arsimin para universitar?, ka faturuar shërbim të pakonfirmuar, në shumën 32.504.427,74 lekë, kjo referuar Raportit të Pranimit të mallit/ shërbimit të hartuar nga Grupi i Menaxhimit të Kontratës, në bazë të Manualit Operacional të Projektit CBA. Vlera e mësipërme nuk është paguar, për faktin se shërbimi nuk verifikohet të jetë kryer dhe me të drejtë nuk është konfirmuar nga Blerësi/Shkolla/DAR/ZA dhe Grupi i Menaxhimit të Kontratës, sikurse përcaktohet në kontratë?, thuhet në raport.

Manovra

Në raport konstatohet se, nga kompania faturat e shërbimit janë lëshuar në mënyrë përmbledhëse, të paspecifikuara për secilën njësi, ashtu sikurse kërkohet në kushtet e kontratës dhe në disa raste e panënshkruar nga të dy palët. Aktet përfundimtare të rakordimit për ofrimin e shërbimit të internetit sipas njësive, ndërmjet drejtuesve të DAR/ZA dhe përfaqësuesve të kompanisë ?A…..? sh.a, janë mbajtur në periudhën mars-korrik 2014 për një periudhë shërbimi 12 mujore (mars 2012 deri shkurt 2013), pra mbi një vit nga përfundimi i shërbimit, por nuk është mbajtur akti i rakordimit përfundimtar ndërmjet palëve nënshkruese të kontratës. ?Vërehet se për 8 DAR/ZA këto akte nuk janë nënshkruar nga përfaqësuesit e kompanisë, konkretisht: për DAR Gjirokastër, Korçë, Berat, Fier, Pukë, si dhe ZA Gramsh, Skrapar dhe Mallakastër, trajtuar më hollësisht në faqe 56-62 të Raportit të Auditimit?, thuhet në raport.