web counter
LEXO PA REKLAMA!

SHKARKO APP

App Store
Google Play

E fundit!

x

Basha: Tirana duhet të ketë shtatoren e Ibrahim Rugovës

21 Janar 2016, 14:33, Politikë CNA

Kreu i Partisë Demokratike, Lulzim Basha, ka përkujtuar 10 vjetorin e ndarjes nga jeta të Presidentit Ibrahim Rugova. Nëpërmjet një postimi në rrjetet sociale, Basha tha se do të dëshironte që kryeqendra e vendit, Tirana, të kishte shtatoren e Ibrahim Rugovës. Sipas tij, edhe nëse shtatorja e tij mund të vonohet, askush nuk mund t?ia mohojë Tiranës përjetësimin e mirënjohjes mbarëkombëtare për veprën e pavdekshme të Ibrahim Rugovës.

Postimi i Bashës

“Me mirënjohje përkujtojmë sot Presidentin Ibrahim Rugova, liderin vizionar, nismëtarin e lëvizjes madhore për liri, arkitektin e Kosovës së pavarur. Vizioni dhe vendosmëria e Presidentit Ibrahim Rugova janë guri i themelit mbi të cilin u ngrit shteti i pavarur e demokratik i Kosovës, i cili po konsolidohet çdo ditë e po rreshtohet krah për krah shteteve të tjera demokratike të botës. E s?ka lajm më të mirë që mund t?i jepej Kosovës në këtë ditë se miratimi i Marrëveshjes së Stabilizim Asociimit nga Parlamenti Europian, duke e sjellë një hap përpara drejt bashkimit me familjen europiane, një hap më pranë realizimit të ëndrrës dhe vizionit të Presidentit Ibrahim Rugova. Në këtë ditë do të doja shumë që Tirana, kryeqendra e kombit të kishte shtatoren tashmë gati të Presidentit Rugova. Vendosja e kësaj vepre mund të vonohet por askush nuk do t?ia mohojë dot Tiranës përjetësim e mirënjohjes mbarëkombëtare për veprën e pavdekshme të Presidentit Ibrahim Rugova.”





Lajmet e fundit nga