E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kriza politike, ndikim negativ në ekonominë e Kosovës

24 Janar 2016, 18:06, Kosova & Bota CNA

Sipas parashikimeve të Qeverisë së Kosovës norma e rritjes ekonomike për këtë vit pritet të jetë rreth 4 për qind, ndonëse njohës të ekonomisë thonë se kjo rritje e premtuar prej qeveritarëve është e ndërlidhur me gjendjen aktuale politike dhe vështirë se do të zhvillohet. Kjo, duke pasur parasysh se në vitin 2014, kur Kosova po kalonte një kaos politik, ndodhi një rritje ekonomike as 1 për qind. Sipas tyre sektori privat po ngec dhe kjo do të vazhdojë përderisa nuk ka rrafsh të sigurt politik e institucional.

Rritja reale që Kosova të filloj t?i tejkaloj problemet aktuale ekonomike që ka, minimumi kërkohet 10 për qind.

Këshilltari për ekonomi i kryeministrit të Kosovës, Sokol Havolli për KosovaPress tha se në këtë vlerësim të normës të rritjes nuk janë përfshirë disa projekte të mëdha të cilat mund ta përshpejtojnë dukshëm rritjen ekonomike, duke pasur parasysh projektet që ndërlidhen me rindërtimin e hekurudhës, projektin e Termocentralit ?Kosova e re? dhe projektin e Brezovicës.

Ai tha se të gjitha këto projekte nuk përfshihen në këto vlerësime deri në kohën e implementimit. Në momentin e fillimit të implementimit të këtyre projekteve, sipas tij, ato përfshihen në vlerësime për rritje ekonomike dhe sigurisht këto do të përshpejtojnë normën e rritjes ekonomike edhe për vitin 2016 edhe për vitin 2017.

Njohësi i çështjeve ekonomike Ibrahim Rexhepi për KosovaPress tregon se nëse nuk zhbllokohet, ose nuk hyn në binar normal, puna e Kuvendit të Kosovës pa dyshim do të jetë e pamundur edhe rritja e normës ekonomike prej 3 ose 3.5 për qind. Ai ka marrë shembull kaosin politik të vitit 2014 dhe ndikimet e saj në zhvillimet dhe rritjen ekonomike.

Rexhepi tha se për tejkalimin e problemeve apo zhvillimin ekomomik minimumi kërkohet një rritje dy shifrore ose 10 për qind, ndërsa sipas tij, rritjet dhe normat e tjera nuk duhet të injorohen dhe të nënçmohen, por nuk janë aq sa ka nevojë vendi.

Problemi kryesor, sipas tij, mbetet funksionimi i institucioneve, shteti stabil, respektimi i ligjeve dhe vetëm atëherë, ai thotë se mund të flitet apo të kërkohen investitorët nga jashtë apo nga brenda të fusin kapitalin me qëllim zhvillimin e përgjithshëm dhe hapjen e vendeve të reja të punës. /KosovaPress/