E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Zbardhet vrasja në Krujë

21 Janar 2016, 09:50, Aktualitet CNA

Policia e Durrësit zbardh dhe dokumenton ngjarjen e ndodhur në Krujë dy ditë më parë ku një person u gjet i vrarë me armë zjarri. Policia ka arrestuar 5 shtetas si autorët e krimit si dhe ka shpallur në kërkim një tjetër.

Shtetasit e arrestuar janë :Admir Haka 32 vjeç, banues në fshatin Zezë, Krujë, i dënuar më parë për armëbajtje pa leje; Herton Haka 18 vjeç, lindur në Zezë, Krujë; Aleksander Haka 28 vjeç, banues në në fshatin Zezë, Krujë; Hekuran Boci 23 vjeç, banues në fshatin Halil, Krujë; Olti Metuku (Agron), banues në Kamëz, Tiranë. Gjithashtu, është shpallur në kërkim dhe po punohet për kapjen e shtetasit: Elton Ceka vjeç, banues në Tiranë.

Arrestimi i tyre u bë pasi: Shtetasit e mësipërm, në bashkëpunim me njëri tjetrin, kishin vendosur grabitjen e shtetasit Fatmir Pula.

Ngjarja

Shtetasi Fatmir Pula po kthehej nga lokali i tij që e kishte me qira në Kamëz, për në banesë, në fshatin Zezë, Krujë. Shtetasi, Olti Metuku e ka mbajtur nën vëshgim viktimën në momentin që ai ka dalë nga lokali dhe ka lajmëruar autorët e tjerë. Shtetasi, Herton Haka, vëllai i Admir Hakës, ka qenë i fshehur në kthesën që të çonte në banësen e viktimës, nga fshati Nikel për në Zezë dhe ka njoftuar dy autorët e tjerë që makina në të cilën ndodhej viktima po vinte në drejtim të tyre. Shtetasit, Elton Ceka dhe Admir Haka, të dy të armatosur, Elton Ceka me një armë zjarri automatik dhe Admir Haka me pushkë, i kanë bllokuar rrugën viktimës me thasë me shkarpa dhe shtetasi Elton Ceka ka qëlluar me 4 plumba me armë zjarri automatik në drejtim të shtetasit Fatmir Pula, i cili kagjetur edhe vdekjen e menjëhershme. Shtetasi Aleksandër Hakaj i ka furnizuar me fishekë autorët, i ka strehuar natën e krimit, dhe njëkohësisht ka mbajtur edhe armët e krimit, të cilat u sekuestruan në cilësinë e provave materiale: një armë zjarri automatik model 56 kalibër 7.62; një pushkë model 63; 4 copë fishkë luftarakë. Marëdhënia e autorëve me njëri-tjetrin: Shtetasit Admir dhe Herton Haka janë vëllezër dhe njëkohësisht komshinj me viktimën. Shtetasi Aleksandër Haka është djali i xhaxhait të shtetasve të mësipërm. Shtetasit Hekuran Boci dhe Olti Metuku janë kunetërit(burrat e motrave) të shtetasve Admir dhe Herton Hakës.