E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gjinushi: Kjo nuk është reformë në drejtësi, rekomandimet e Venecias nuk po zbatohen

9 Janar 2016, 08:31, Aktualitet CNA

Kreu i PSD-së, Skënder Gjinushi, ka komentuar procesin e reformës në drejtësi duke u shprehur se draftet e publikuara deri më sot nuk janë reformë, por amendime kushtetuese.

?Duhet kuptuar që kjo nuk është reformë në drejtësi. Por defakto është reformë kushtetuese, për shkak të dëmtimeve që i janë bërë vazhdimisht Kushtetutës pa kriter, janë prishur balancat. PD nuk shkon në tryezë dhe pastaj thotë u bë fshehurazi. PD ka interesa të kundërta për reformën në drejtësi. PD, strukturat e saj dhe individë të caktuar janë kundra sepse do të thotë të lëshojnë bastionet e fituara padrejtësisht, të humbasin kontrollin në drejtësi. Do bëjnë ç?është e mundur për ta bllokuar. Konflikti i PD është që, kur ke vjedhur shumë, i trembesh pavarësisë së gjyqësorit, do të thotë që ka qenë 8 vjet e implikuar dhe aq më tepër që ka çështje ende të pambyllura, të pagjykuara, të mbyllura në mënyrë artificiale? , shprehet Gjinushi

Gjatë intervistës për gazetën sot, Gjinushi shprehet se rekomandimet e komisionit të Venecias nuk po zbatohen. Ai thekson se ato po rrotullohen sipas qejfit të personave që e kanë në dore.

?Balancat jo thjesht se vajte djathtas po balanca përdoren rregullatorët për të garantuar institucionet të pavarura dhe të ekuilibruara dhe më pak të politizuara. Balancat janë prishur. Ai që ka përfituar nuk është dakord me reformën. Si nga pushteti abuziv 8 vjet, qoftë nga bashkëpunimet konjukturale patjetër që bërtet ?rroftë reforma?, por nga ana tjetër duan që ta bllokojnë reformën. Ata do rrotullohen. Venecia rekomandime ka bërë. Ato i rrotullon si të duash. Paketa duhet votuar, por problemi është zbatimi. Këta duan të bllokojnë paketën që të rregullojnë të parregulluarën. Kështu bënë edhe me dekriminalizimin, ishte humbje kohe, deformim Kushtetute?, ka theksuar Gjinushi.

Një tjetër pjesë që Gjinushi ka komentuar lidhur me reformën në drejtësi është ndëshkueshmëria e shkeljeve ligjore të pandëshkura. Sipas tij, kjo reformë është e pavlerë nëse nuk kryen ndëshkimin e krimeve që janë kryer në kohë. Për këtë, Gjinushi sjell në mëndje Sali Berishën dhe Lulzim Bashën.

?Me vrasje të zbardhur dhe pa u ndëshkuar, Saliu u riciklua, ndërsa Luli kërkoi të fitonte Tiranën. Po nuk arritëm të ndëshkojmë krimin, korrupsionin apo abuzimin, gjithçka është fasadë. Të bëjnë një ligj për të ndëshkuar të pandëshkuarin. Gjyqësori nuk është lejuar të vendosë drejtësinë. Drejtësia nuk vendoset për disa individë të caktuar, duke krijuar ?institucionin e paprekshmërisë?, ku nuk preket koka, ku nuk preket ?vatra e infeksionit?, dhe patjetër që infeksioni përhapet dhe bëhet dominues në pjesë të caktuara të shoqërisë. Mbijetesa e të padënuarve politikë bën që të vegjetojnë të pandëshkuarit në nivelet e tjera, qoftë në administratë apo në gjyqësor?, ka deklaruar Gjinushi.