web counter
LEXO PA REKLAMA!

SHKARKO APP

App Store
Google Play

BE: Gjyqtarët me rrogë 1500 euro dhe prona prej milionash

25 Nëntor 2015, 08:29, Aktualitet CNA

Ambasadorja e Bashkimit Europian në vendin tonë, Romana Vlahutin u shpreh me tone të qarta sa i përket gjyqtarëve shqiptarë, të cilët nuk justifikojnë pasurinë e tyre prej miliona eurosh. Gjatë fjalës së saj në një tryezë për konsultimet publike lidhur me reformën në drejtësi, Vlahutin tha se kjo reformë nuk është e negociueshme nëse Shqipëria dëshiron të bëhet një ditë anëtare e BE. Shefja e BE në vendin tonë e konsideroi të pashpjegueshëm faktin që ka gjyqtarë në Shqipëri me prona që vlejnë miliona euro në një kohë kur dihet se paga më e madhe e një gjyqtari nuk i kalon 1500 euro. Sipas Vlahutin, ky nuk mund të jetë një sistem që mendohet se do t?i mbrojë qytetarët nga korrupsioni, por një sistem që mbron personat e korruptuar nga përballja me ligjin.

?Ka disa gjyqtarë në vend pronë e të cilave kanë vlerë miliona euro dhe që janë të pashpjegueshme. Është pak e pashpjegueshme kur në një vend të vogël e të varfër, dhe ku paga më e madhe e një gjyqtari është 1500 euro, disa kanë akumuluar miliona euro. Pse ndodh kjo? Ndoshta shumë prej tyre janë martuar me partnerë shumë të pasur apo për shkak të faktit që vijnë nga familje të pasura. Si është e mundur që 150 referime kriminale për pasuri të pashpjegueshme gjatë vitit të fundit kanë përfunduar në 4- 5 ndjekje penale?! A është ky një sistem që mendohet se do t?i mbrojë qytetarët nga korrupsioni apo është sistem për të mbrojtur personat e korruptuar nga përballja me ligjin?! Duhet të ketë qartësi.Nëse unë do të isha një prej atyre gjyqtarëve që mendojnë se milionat e tyre vijnë prej partnerëve me të cilët janë martuar dhe që ato janë shumë të pasur, unë vetë do të isha mbështetësi kryesor i kësaj reforme. Do të doja që pasuria ime të kontrollohej deri në detaj dhe të tregoja se jam i pastër. Ky proces duhet të qartësojë se kush janë ata gjyqtarë e prokurorë që meritojnë respektin dhe mbështetjen sepse punojnë me dinjitet dhe kush janë ata që mendojnë se janë mbi të gjitha ligjet morale dhe ligjor?, tha Vlahutin.





Lajmet e fundit nga