web counter
LEXO PA REKLAMA!

SHKARKO APP

App Store
Google Play

Rama ngelet rrugëve/ Nesër në Kinë

23 Nëntor 2015, 18:25, Aktualitet CNA

Kryeministri Edi Rama mesa duket nuk do të kthehet në Shqipëri, të paktën edhe për dy ditën e ardhshme, pasi do të marrë pjesë në Samitit midis Kinës dhe vendeve të Evropës Qendrore e Lindore. Mësohet se takimi i katërt i vendeve të Europës Qendrore e Lindore do të mbahet në Suzhou të Kinës në datat 24 dhe 25 nëntor.

Në muajin e fundit, shefi i qeverisë në fakt ka ?ngelur? rrugëve, pasi ai ka udhëtuar në vizita zyrtare më shumë se asnjëherë për një kohë të shkurtër. Në datën 14 Tetor ai mori pjesë Forumin e Biznesit Shqipëri-Çeki, organizuar në shtetin çek. Dy javë më vonë, Kryeministri Rama mori pjesë në forumin ekonomik Hong Kong ? Shqipëri, organizuar në Kinë, ndërkohë që ai gjithashtu hapi edhe një ekspozitë me pikturat e tij. Brenda harkut njëjavor, shefi i qeverisë zhvilloi dy vizita, në Gjermani dhe në Turqi.

Në datën 12 Nëntor Kryeministri ishte në Mynih për një vizitë zyrtare, ndërkohë që një javë më vonë ai udhëtoi drejt Stambollit ku përveç takimeve zyrtare, ai hapi edhe një ekspozitë tjetër me pikturat e tij. Dy vizitat e tij të fundit, janë zhvillur ditë të enjte, duke vënë në pikëpyetje nëse shefi i qeverisë po i shmanget parlamentit, për të cilin në fakt ai ka shprehur se nuk shkon me kënaqësi.

Por përveç këtij fakti, lëvizjet e shumta të Ramës, kanë bërë që njerëzit t?a ndjejnë mungesën e tij, ku sipas zërave popullin e ka marrë malli për Kryeministrin./citynews

 





Lajmet e fundit nga