web counter
LEXO PA REKLAMA!

SHKARKO APP

App Store
Google Play

E fundit!

x

Buxheti 2016 / 7200 persona më pak në administratë

18 Nëntor 2015, 07:38, Aktualitet CNA

7200 persona më pak do të shërbejnë në administratën publike vitin e ardhshëm.  Sektori që preket më shumë nga këto shkurtime do të jetë arsimi.  Qeveria ka në plan të mbajë këtë vit 31,186 punonjës nën varësinë e Ministrisë së Arsimit dhe e Sportit nga 38,291 punonjës që ka aktualisht.

Ministria e Brendshme do të ketë vitin e ardhshëm rreth 500 punonjës më pak se sa këtë vit, ndërsa numri i punonjësve të Kryeministrisë do të dyfishohet, nga 227 aktualisht në 530 vetë vitin e ardhshëm.

Në buxhet është parashikuar dhe një reduktim i shpenzimeve buxhetore me 1 %. Qeveria ka ulur ndjeshëm fondet për arsimin dhe infrastrukturën, ndërkohë që për vetë administratën kryeministrore është treguar bujare.   Janë shtuar shpenzimet për aparatin kryeministror me mbi 3. 1 miliardë lekë nga 715 milionë lekë të buxhetit të rishikuar të këtij viti. Prioritet për 2016­ën i jepet Ministrisë së Bujqësisë me një rritje të fondeve me 24% ose 5,2 miliardë lekë, krahasuar me këtë vit.

 

Mbi 50% janë rritur edhe fondet për Ministrinë e Mjedisit, 19% për atë të Kulturës dhe 20% për Ministrinë e Drejtësisë.  Nuk preken fondet për Ministrinë e Shëndetësisë, të cilat qëndrojnë në po të njëjtat nivele, ndërsa janë shkurtuar me 20% shpenzimet për Ministrinë e Integrimit.





Lajmet e fundit nga