web counter
LEXO PA REKLAMA!

SHKARKO APP

App Store
Google Play

Gjosha-Danielsson: Reforma në gjyqësor, baza e integrimit

16 Nëntor 2015, 10:07, Politikë CNA

Reforma në gjyqësor,  ishte në fokus të takimit  të sotëm në Tiranë ndërmjet ministres së Integrimit Europian, Klajda Gjosha  dhe Christian Danielsson, Drejtor i Përgjithshëm i Zgjerimit në Komisionin Europian.

Gjosha e konsideroi këtë fazë të procesit si shumë të rëndësishme , pasi siç tha ajo, hapi i radhës do të jetë hapja e negociatave për anëtarësim

?Ky është një moment kyç në ecurinë e procesit, pasi hapi i radhës do të jetë hapja e negociatave. E sigurova z.Danielsson se do të analizojmë me kujdes të gjitha rekomandimet për pesë prioritetet, në mënyrë që t?i plotësojmë ato brenda një periudhe të shkurtër?, u shpreh Gjosha.

Ndërsa Drejtori i Përgjithshëm i Zgjerimit në KE, vuri në dukje se ka nevojë për  hapa të mëtejshëm në drejtim të përmbushjes së reformave.

?Është me rëndësi thelbësore, ashtu siç u theksua edhe në progres-raport, realizimi i reformës në gjyqësor. Është e rëndësishme dhe thelbësore, jo vetëm për Shqipërinë, por edhe për ecurinë e saj drejt integrimit evropian. Kjo reformë është kyçe sa i përket edhe luftës kundër korrupsionit dhe krimit të organizuar e po ashtu është e nevojshme për të patur rritje më të  madhe dhe të qëndrueshme ekonomike?, theksoi Danielsson.

 





Lajmet e fundit nga