Assad: Franca ka njohur atë që ne përjetojmë prej pesë vitesh

14 Nëntor 2015, 20:39, Kosova & Bota CNA

?Franca ka njohur atë që ne përjetojmë në Siri prej pesë vitesh?. Fjalë të Bashar al Assadit, presidenti sirian në konflikt me terroristët e ISIS, që i ka krahasuar sulmet terroriste që tronditën Parisin, me luftën civile në vendin e tij. Nga Siria, ka qenë një gazetar i Europe 1 që ka përcjellë deklaratat e presidentit sirian, i cili pikërisht sot ka pritur një delegacion prej katër deputetësh francezë, ndërkohë që në Vienë vazhdojnë bisedimet e paqes për Sirinë. Sulmet terroriste në Paris ?me siguri do të ndikojnë në diskutimet mbi Sirinë në samitin e Vienës, ky argument me siguri do të preket gjatë bisedimeve të sotme?, ka thënë zëdhënësja e Ministrisë së Jashtme ruse, Maria Zakharova. Por nga Praga, ministri i jashtëm britanik, Philip Hammond ka deklaruar pozicionin e Britanisë së Madhe: ?Jemi të bindur se Bashar al Assadi duhet të largohet, kjo është pjesë e ndryshimit të regjimit në SIri. Por jemi të vetëdijshëm se transformimi do të jetë një proces në të cilin Assadi mund të luajë një rol?.

Islami është i pafajshëm

Ahmed al Tayyeb, imami që ka hedhur disa herë teorinë e shkatërrimit të Shtetit të Izraelit, është distancuar nga sulmet e përgjakshëm të Parisit. Dhe nga qendra teologjike më e rëndësishme e Islamit sunit, ka lëshuar një thirrje për një ?bashkëpunim ndërkombëtar kundër terrorizmit, një monstër maniake?. Fatkeqësisht, në botën islamike, duke filluar nga fytprerësit e Shtetit Islamik dhe miliona myslimanë që e shohin me simpati Shtetin Islamik, shumë islamikë janë pro xhihadistëve që kanë tronditur kryeqytetin francez.

Imami i madh i xhamisë së Al Azharit, institucioni më i madh i botës sunite, ka dënuar sulmet terroriste në Paris, duke i quajtur ?të urryer?. ?Këta akte janë kundër të gjithë vlerave fetare, njerëzore dhe të qytetërimit ? ka pohuar el Tayeb. Ka ardhur momenti që e gjithë bota të përballet me këtë monstër?.

Por monstra nuk është e gatshme të tërhiqet as një milimetër. Sic thuhet në deklaratën e Kalifatit, sulmet ndaj Parisit ?janë vetëm fillimi i furtunës?. Sepse Franca ?dhe ata që e mbështesin, do të mbeten objektivat parësorë të ISIS dhe do të vazhdojë të ndiejë erën e vdekjes, për faktin që ka marrë udhëheqjen e kryqëzatës, që ka fyer Profetin dhe që është vënë për të luftuar Islamin?. /Bota.al