web counter
LEXO PA REKLAMA!

SHKARKO APP

App Store
Google Play

E fundit!

x

Shkoni protestoni tek UET, jo tek kryeministria !

11 Nëntor 2015, 12:22, Aktualitet CNA

Sot studentët e universiteteve publike të Tiranës por edhe të rretheve kanë protestuar përballë godinës së kryeministrisë për të ndaluar reformën në arsimin e lartë duke kërkuar arsim publik falas.

Që nga propozimi i draftit për këtë reformë , studentët kanë qenë kundër dhe kanë organizuar disa protesta masive. Ata kanë protestuar në rrjete sociale, në universitete si dhe përballë ministrisë së Arsimit. Para disa disa ditësh ata qëlluan  kryeministrin Edi Rama me vezë dhe sot janë vendosur përballë kryeministrisë .

cili ramaReforma për arsimin e lartë favorizon hapur universitetet private pasi krijon krijon pabarazi normative të padrejta midis operatorëve private dhe publikë.

Konkretisht, reforma e cila u quajt e suksesshme favorizon UET-in e Henri Çilit, i cili është një nga hartuesit e kësaj reforme dhe mbështetësi më i fortë i saj.  Po ashtu  edhe universitetin ?Luarasi? të Irfan Hysenbelliut dhe  TBU-në e Artan Hoxhës.

Në fakt,  reforma e arsimit të lartë bie ndesh me kushtetutën e RSH në nenin 57/7:   ?Autonomia e institucioneve të arsimit të lartë dhe liria akademike garantohen me ligj?.

Në këtë situatë të krijuar, përgjegjësia bie edhe mbi Partinë Demokratike, e cila ende nuk e ka dërguar reformën për arsimin e lartë në Gjykatën Kushtetuese. Kjo tregon se edhe PD ka një marrëveshje të heshtur me universitetet private. Disa deputetë të opozitës kanë ngritur shqetësime për këtë reformë por fakti tregon se ata e braktisën seancën plenare në momentin që do të votohej ligji për arsimin e lartë.

Më shumë se sa një protestë përballë kryeministrisë, që është një mall i blerë, studentët duhet të protestojnë përballë UET, dhe Herni Çilit, ideatorit dhe përfituesit nga ligji për arsimin e lartë.

 





Lajmet e fundit nga