E fundit!

21:36 Politikë

Protestuesit e larguan nga protesta/ Zmbrapset Shehaj

Një ditë më parë protestuesit e larguan nga protesta kreun...

Studentët nisin marshimin e protestës / Vendosen para kryeministrisë

11 Nëntor 2015, 10:23, Aktualitet CNA

Studentët kanë nisur marshimin e protestë kundër Ligjit për Arsimin e Lartë, kundër dhunës dhe kundër reformës së qeverisë., paraditën e sotme rreth orës 11:00.

Studentë të fakulteteve të ndryshme janë bërë bashkë në marshim nga Korpusi Qendror (Universiteti Politeknik) drejt Kryeministrise.

Në këtë marshim marrin pjesë profesorë dhe akademik.

Ndërkohë që studentët i afrohen godinës së qeverisë, Kryeministria është e rrethuar nga police femra, të cilat kanë krijuar një rresht të gjatë para godinës.

?Sot duhet të shkundemi e të shpluhurosim supet e rënduara nga pesimizmi e indiferenca shoqërore. Ato qindra metra nga Korpusi te kryeministria do të jenë maratona jonë për të dhënë lajmin e madh të ngadhënjimit qytetar ndaj dhunës së pushteteve shtetërore e private. Çdo hap i përbashkët do të jetë tulla më e qëndrueshme e ndërtimit të një ardhmërie universitare dhe shoqërore së paku normale. Bashkohemi!?- shkruan Arlind Qori ? aktivist i Lëvizjes ?Për Universitetin?.

Protesta vjen pak ditë pas reagimit të dhunshëm ndaj kryeministrit Edi Rama kur i gjuajtën me vezë në Fakultetin e Shkencave Sociale, në kudnërshtim për reformën në arsimin e lartë.

Thirrja e tyre për protest e shpërndarë në rrjetet sociale ishte:

?Prej disa ditësh, studentët dhe shoqëria shqiptare kanë qenë dëshmitarë të një dhune të paprecedent kryeministrore ndaj studentëve protestues në mjediset shkollore. Kjo dhunë, e shoqëruar me rrëmbim dhe terror psikologjik policor, vazhdon të zgjerohet përmes gënjeshtrave publike të kryeministrit dhe vendimeve dhunuese të tij për rritjen rrjepëse të tarifave.

Ne jemi:

#Kundër dhunimit policor e kryeministror të studentëve në mjediset universitare.

#Kundër dhunimit dhe metodave shantazhuese ndaj studentëve në komisariate.

#Kundër dhunimit psikologjik, mohimit të së drejtës për mjek dhe avokat.

#Kundër rritjes dhunuese të tarifave për studentët në bachelor dhe master.

#Kundër reformës së dhunshme në arsim.

#Kundër reformave dhunuese qeveritare në shoqëri.

Ftojmë të gjithë studentët, pedagogët, familjarët, qytetarët dhe aktivistët e shoqërisë civile të indinjuar prej veprimeve të pushtetit të bashkohen në marshimin tonë protestues, për të thënë se NE nuk kemi më frike dhe jemi të BASHKUAR rreth kauzes për Arsim Publik për të Gjithë?,- thuhet në njoftimin e tyre për protestën.