web counter
LEXO PA REKLAMA!

SHKARKO APP

App Store
Google Play

Falsifikim dokumentash/ Sekuestrohet 45 hektarë tokë në plazhin e Llamanit

7 Nëntor 2015, 10:57, Aktualitet CNA

Prokuroria e Vlorës ka vendosur në sekuestro preventive 45 hektarë tokë në plazhin e Llamanit në Himarë.

Referuar organit të akuzës kjo sipërfaqe toke, vlera e së cilës kap shifrën e 9 milion eurove, dyshohet se është përfituar në bazë të dokumenteve të falsifikuara. Toka figuronte në emrin e një 100-vjecari nga Himara, por Zyra e Regjistrimit të Pasurive të Paluajtshme në Vlorë kishte refuzuar ta regjistronte për shkak të mungesës së titullit të pronësisë. I moshuari dispononte vetëm një vërtetim të faktit juridik të vitit 1998. Cështja shkoi më pas në Gjykatë, ku gjykatësi Astrit Shema ia njohu të drejtën e pronësisë.

Për Shemën, ministri i Drejtësisë Nasip Naco kërkoi procedim disiplikon në prill të këtij viti. Nga hetimet e Prokurorisë është zbuluar se kërkesa e pronësisë është bërë fillimisht për 30 hektarë tokë, por ka rezultuar se bëhej fjalë për 45 hektarë në plazhin e Llamanit, një prej zonave më të shtrenjta dhe të frekuentuara në Rivierën shqiptare.

 





Lajmet e fundit nga