E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Edi Paloka: Të bëhemi të gjithë bashkë për të rrëzuar këtë qeveri

7 Nëntor 2015, 13:35, Aktualitet CNA

Kreu i Grupit parlamentar të Partisë Demokratike, Edi Paloka i ka bërë thirrje qytetarëve të bashkohen për të rrëzuar këtë qeveri.

Përmes një deklarate për mediat, Paloka shprehet se qytetatë presin çdo ditë ku janë premtime e qeverisë. Paloka shtoi se Rama është Kryeministri më i korruptuar në Ballkan.

Deklarata e plotë nga Edi Paloka

Mijëra euro u shpërdoruan edhe sot nga taksat e shqiptarëve për të blerë frekuencat satelitore që të dilte live diarreja verbale e Edi Ramës, kryeministrit më të korruptuar në Ballkan.

Një diarre verbale që flet për suksese imagjinare, që nuk ia beson askush edhe në atë sallë, përtej rreshtit të parë e të dytë të hajdutëve.

Mijëra euro të shpërdoruara nga taksat e shqiptarëve për këtë paradë të arritjeve të mëdha të Mimi hajdutes me çizme mavi, të Beqo kleptokratit, të narko-ministrit Tahir, të Ahmetaj-landfillidit me 300 mijë euro në muaj, e ku në krye qendron Ali Baba i 200 milionë eurove pasuri, sipas dokumentit të punës së OSBE.

Mijëra euro të shpërdoruara edhe sot për një propagandë Asadiste, për të vendosur buzëkuq mbi një shtet hajdut e kriminal, shtet hajdut e kriminal të konfirmuar, të njohur, që e prekin shqiptarët çdo ditë.

Me regji qendrore e frekuenca të blera me mijëra euro, ndërkohë që qytetarët pyesin ku janë 300 mijë vende pune, ku është shendetësia falas, ku janë 4 herë më shumë fondet për bujqësinë?

Ndërkohë, mollët po kalben në Korcë, sepse qeveria më e korruptuar në ballkan jo vetëm nuk mbajti asnjë premtim, por po vjedh çdo ditë 1 milionë dollarë në dogana e tatime.

Se kjo nuk është qeveria e shqiptarëve, por e habilajve, shullazëve, papulëve e carapulëve.

Kjo është qeveria e korrupsionit masiv, që po i detyron shqiptarët të ikin me mijëra çdo muaj.

Eshtë koha të bashkohemi, të majtë e të djathtë, të rinj e të reja e të ndalim këtë klikë hajdutësh.

Ta pastrojmë Shqipërinë nga mjerimi, krimi dhe korrupsioni që ka shkaktuar Edi Rama me 40 hajdutët e tij.