web counter
LEXO PA REKLAMA!

SHKARKO APP

App Store
Google Play

E fundit!

x

Fëmijët që rriten me qen në shtëpi, rrezik më të vogël për astmë

6 Nëntor 2015, 20:30, Lifestyle CNA

Përveç dashurisë pa kushte, ngritjen e humorit për të tjerët dhe ledhatimet e tyre të pafundme, qentë mund të sigurojnë edhe një tjetër përfitim për familjet ku qëndrojnë. Sipas një studimi të ri në Universitetin Uppsala në Suedi, fëmijët që rriten me qentë kanë një rrezik rreth 13 për qind më të ulët të astmës se fëmijët të cilët nuk jetojnë me ta.

Studiuesit analizuan të dhënat për më shumë se një milion fëmijë suedez në nëntë regjistra të ndryshëm kombëtar, duke vëzhguar për astmën prindërore dhe statusin socio-ekonomik, në mesin e faktorëve të tjerë. Të dhënat mbulonin lindjet mes 2001 dhe 2010 dhe ka përfshirë detajet mbi diagnostikimin dhe mjekimin e astmës.

Ekspozimi ndaj qenve gjatë vitit të parë të një fëmije ishte i lidhur me një rrezik 13 për qind më të ulët të astmës te fëmijët e moshës shkollore, ndërsa ekspozimi i kafshëve të fermave ishte i lidhur me një rrezik 52 për qind më të ulët për fëmijët e moshës shkollore dhe një rrezik 31 për qind më të ulët në mesin e fëmijëve të moshës parashkollore. Studimi është publikuar në revistën mjekësore JAMA Pediatrics.

 

 





Lajmet e fundit nga