E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Basha siguron fermerët: Do heqim taksat për fshatin

6 Nëntor 2015, 15:20, Politikë CNA

Kryetari i Partisë Demokratike, Lulzim Basha, në vijim të turit ?Fjalën e kanë qytetarët?, u takua me fermerë dhe banorë të fshatrave Shtiqen, Novosej dhe Shishtavec. Basha është njohur nga fermerët me shqetësimet që kanë për të nxjerrë në treg prodhimet e tyre, dhunën dhe terrorin që ushtron policia ndaj tyre, sekuestrimin e ushqimeve për bagëtinë, të cilat i blejnë tek fermerët prodhues të tyre.

Takimi dhe diskutimet e Bashës me fermerët

Në vijim të turit ?Fjalën e kanë qytetarët? dëgjova nga fermerë dhe banorë e fshatrave Shtiqen, Novosej dhe Shishtavec shqetësimet që kanë për të nxjerrë në treg prodhimet e tyre, dhunën dhe terrorin që ushtron policia ndaj tyre, sekuestrimin e ushqimeve për bagëtinë dhe vendosjen e taksave për barin që blejnë në Kosovë duke ua pamundësuar sigurimin e ushqimit për bagëtinë.

Fermer: Më keq nuk ka ku shkon ma. Populli është shumë shumë në mjerim. Unë si fermer jam marrë dhe çu në rajon me mallin tim (dele që çohen për të kaluar dimrin në Lushnje). Në momentin që jam verifiku edhe pse gjithcka ishte ne rregull më kanë mbajt bagetinë edhe 40 orë në rajon.

Fermer: Kena ra në hall për pataten për ta shit edhe s?na lënë me ra në pazar të Kukësit me patatet tona. Kemi shumë problem me policinë. Ma ngusht s?kemi ku shkojmë.

Fermer: Vetëm në doganë të Morinit kanë vënë tatim për barin që e blejmë në Kosovë. Në doganë tjetër jo.

Fermer: Kam kultivuar tash 4 vjet sherbelë. Nuk kemi pas problem deri para 2 vjetëve. Tash 2 vjet e këtej sherbela është bërë si kashta, se han as lopa, se s?ka treg është e gjitha e pashitur.

Fermer: Rama kur erdhi në pushtet gënjeu fermerët duke u thënë se do tua bëjë naftën në 400 lekë dhe ua bëri 2000 lekë, ne e patëm më poshtë.

Fshatrat Novosej dhe Shishtavec janë ndër më të prekurit nga eksodi. Shumë pak familje kanë mbetur dhe ata me sytë për tu larguar, pasi e shohin të pamundur mbijetesën.

Fermer: Kemi patate s?i shesim, kemi qirgja, kemi viça, nuk mund ti shesim, bimë medicinale s?i shesim dot na ndalon në rrugë policia. Njerëzit janë detyruar të ikin siç dhe kanë ik në kushte ekstreme nëpër kampe në Gjermani.

Fermer: Puna e bujqësisë është skandal, nuk ka më keq. Mund të punojmë diçka po s?kemi shitje, s?kemi treg hiç. Tani dhe tregtarët ngurrojnë shumë, kanë frikë. Unë vetë personalisht kam qenë në Prokurori për dy viça që kam shit, viçat e mi.

Pasi u njoha me shqëtësimet e fermerëve dhe banorëve ndava me ta propozimet që ne po shqyrtojmë për ti ardhur në ndihmë bujqësisë.
Ne parashikojmë një buxheti jo më pak se 100 milionë dollar në vit, që me e nda në dy pjesë, subvencione sipas sektorëve dhe kryesorja që të jetë për të gjithë fermerët është eliminimi i çdo takse për fshatin, mbi naftën, mbi plehrat, mbi fidanët, mbi farat.