web counter
LEXO PA REKLAMA!

SHKARKO APP

App Store
Google Play

E fundit!

x

Kinezët në Fier/ Të interesuar të shtrijnë sipërmarrjet

27 Tetor 2015, 10:01, Ekonomi CNA

Qyteti i Fierit dhe mundësitë që ai ofron për investime u prezantuan në Wuxi (Kinë), në simpoziumin e bashkëpunimit të biznesit ndërmjet Kinës dhe vendeve të tjera, ku tërhoqën interesin e investitorëve të shumtë kinezë.

Me temën ?Pse të investojmë në Fier?, administratori i përgjithshëm i qytetit Florjan Mucaj prezantoi përpara dhjetra përfaqësuesve të bashkive në Kinë, dhomave të tregëtisë dhe mbi 100 sipërmarrësve të fuqishëm kinezë, resurset e qytetit.

Rezultati i këtij prezantimi ishte shprehja e interesit nga biznesmenë pjesëmarrës në simpozium, për të njohur sa më parë nga afër këtë qytet. Bujqësia, agropërpunimi, turizmi dhe fasoneria janë dritaret e reja dhe mundësitë e investimit që kanë tërhequr vëmendjen e biznesmenëve kinezë.

dNjë delegacion i dhomës së tregëtisë së Wuxi-t, bashkë me një numër të konsiderueshëm investitorësh, së shpejti do të vizitojnë Fierin dhe mundësitë e arta për investim.

Wuxi ndodhet në jug të provincës Jiangsu, në fushën e deltës së lumit Jance, në Kinë. Wuxi është hambari i njohur i Kinës dhe njëkohësisht qyteti modern industrial, quhet ?Shangai i vogël?. Wuxi, që ka panorama të bukura dhe historinë e gjatë, është një qytet turistik shumë i njohur brenda e jashtë vendit. Është një qytet tradicional bujqësor dhe djep i industrisë. Pamjet e tij të bukura kultivojnë karakterin kulturor të njerëzve. Wuxi, një nga 10 qytetet turistike të njohura të Kinës, çdo vit pret dhjetëra milionë turistë kinezë e të huaj





Lajmet e fundit nga