web counter
LEXO PA REKLAMA!

SHKARKO APP

App Store
Google Play

E fundit!

x

Bushati vizitë zyrtare  në Marok

6 Tetor 2015, 09:03, Aktualitet CNA

Ministri i Jashtëm, Ditmir Bushati, është zyrtari i parë në këtë detyrë që viziton Marokun.

Ai ka diskutuar me zyrtarët marokenë fushat e bashkëpunimit ekonomik mes dy vendeve, sfidat e sigurisë, bashkëpunimi i Marokut me NATO dhe situata në Mesdhe.

Ministri Bushati kërkoi nga pala marokene që Maroku të rishohë qëndrimin në drejtim të njohjes së shtetit të Kosovës, si një realitet i pakthyeshëm dhe tashmë i konsoliduar, si dhe inkurajoi që të mbështetet kërkesa e Kosovës për t?u pranuar në UNESCO, si një mesazh për bashkëjetesën dhe harmoninë në rajon.

Ai u takua me Ministrin e Jashtëm, Salaheddine Mezouar, Kryeministrin, Abdelillah Benkirane, Presidentin e Dhomës së Përfaqësuesve, Rachid Talbi Alami, Kryetarin e Komisionit të Politikës së Jashtme, Mohammed Mehdi Ben Said, Ministrin e Ekonomisë dhe Financave, Mohammed Boussaid, si dhe Presidenten e Konfederatës së Përgjithshme të Sipërmarrjeve të Marokut, Miriem Bensalah- Chaqroun.

Palët nënshkruan marrëveshjen mes dy vendeve, për shmangien e taksimit të dyfishtë, si dhe marrëveshjen për heqjen e vizave nga mbajtësit e pasaportave diplomatike dhe të shërbimit.





Lajmet e fundit nga